NƏĞMƏ 139
Özünü yeni dünyada təsəvvür et
-
1. Gözəl həyat, cənnət məkan...
Bir an düşün, yetişib o dövran.
Bax şad-xürrəm cümlə-bəşər,
Şər-bəladan yox artıq əsər.
Zəfər çaldı ulu Allah,
Uca taxtı devrilməz heç vaxt.
Yerdə quruldu şahanə bir düzən,
Şükran nəğməsi çağlayır könüllərdən:
NƏQARƏT
«Yehova Allah, Sənə şükr olsun!
Təzələdin hər şeyi büsbütün.
Coşub-daşır qəlbdə ən gözəl həmd-səna,
Tək Sənsən layiq şöhrətə, şərəf-şana!»
-
2. Gözəl həyat, cənnət məkan...
Sən bir düşün, yetişib o dövran.
Qorxu-hürkü bitdi daha,
Nə möhtəşəmdir bu ab-hava!
Bütün vədlər gerçək oldu,
Küll-İxtiyar çadırın qurdu.
Ölən əzizlər həyata qayıdır,
Onlarla birgə hamı səs-səsə verir:
NƏQARƏT
«Yehova Allah, Sənə şükr olsun!
Təzələdin hər şeyi büsbütün.
Coşub-daşır qəlbdə ən gözəl həmd-səna,
Tək Sənsən layiq şöhrətə, şərəf-şana!»
(Həmçinin baxın: Zəb. 37:10, 11; Əşy. 65:17; Yəh. 5:28; 2 But. 3:13.)