ULWIMBO 139
Elenganyeni Ukuti E ko Muli Ilyo Fyonse Fyalengwa Ifipya
-
1. Elenganya ukutila
Tuli bonse mu calo icipya.
Tontonkanya ’fyo cikaba,
Ilyo tukaba abantungwa.
Tamwakabe ababifi;
Pantu Lesa akalateka.
Ilyo ifintu fikalengwe fipya,
Tukembo lwimbo
lwa kulumba Yehova:
(KORASI)
“Mwe Lesa wesu, ala mwabomba!
Umwana wenu nawamye fintu.
Tulemulumbanya muli ulu lwimbo;
Ubukata no mucinshi fyonse fyenu.”
-
2. Elenganya na kabili;
Tuli bonse mu calo icipya.
Fintu fyonse ifiliko
Tafiletuletelo mwenso.
Amalayo ya kwa Lesa
Nayafikilishiwa yonse.
Nomba alabuusha bonse abafwa;
Twalaimbila pamo
nabo ’lu lwimbo:
(KORASI)
“Mwe Lesa wesu, ala mwabomba!
Umwana wenu nawamye fintu.
Tulemulumbanya muli ulu lwimbo;
Ubukata no mucinshi fyonse fyenu.”
(Moneni na Amalu. 37:10, 11; Esa. 65:17; Yoh. 5:28; 2 Pet. 3:13.)
