KÉL 139
Anchangei En me lón ewe Ótót Sefé
-
1. Anchangei en, anchangei ngang
Kich meinisin lón eú ótót sefé
Anchangei mwo lón na fansoun
Sipwe kinamwe me ngaseló.
Resap chúen nóm iir mi ngaw,
Fán nemenien Mwúún Kot mi pwúng.
Mettóch meinisin repwe sefésefál,
Sipwe kélún mwareiti
Kot seni ’tipach:
(CHORUS)
“Kilisou ám Kot, ren met ka féri
Meinisin ra seféló fán Mwúún Noum.
Seni ’tipem mi ur ren kilisou chapur,
Aua eáni kélún elingok, mwareituk.”
-
2. Anchangei en, anchangei ngang,
Lón ewe ótót mi sefésefál.
Sisap mwo nge rong me kúna
Mettóch mi ngaw o eniwokkus.
Alon ach Kot a pwénútá,
Iei imwan we a nónnóm rech.
Epwe amanawa ’kewe mi máló
Repwe fitikich le
kél ren ach kilisou:
(CHORUS)
“Kilisou ám Kot, ren met ka féri
Meinisin ra seféló fán Mwúún Noum.
Seni ’tipem mi ur ren kilisou chapur,
Aua eáni kélún elingok, mwareituk.”
(Pwal ppii Kölf. 37:10, 11; Ais. 65:17; Joh. 5:28; 2 Pet. 3:13.)