KANSION 139
Sonu Napabagu i Ngamin
-
1. Nonopammu egga ’tam ’na
Ta mundo natalibagu ngana.
Anni i matageno mu?
Memammo ngana pallevu mu.
I marake ay mapawan;
Giya na Dios mattalupaddian.
Ari mabbayag, duttal ngana danaw.
Napafutuan ikansiottam i paddayaw:
(KORO)
“Mabbalo, O Dios, ta netuppal mu.
Kani Cristo, ngamin napabagu.
Futumi napappannu tu pappabalo;
Ta kekakua, dayaw, sikaw i mepangngo.”
-
2. Nonopammu pattoletam,
Paraiso ngana paddianattam.
Awan tu paganassingan,
Awan tu mamavvurung nittam.
Natuppal ngana tabbana;
Tolda Dios nittam nivullagna.
Natay ira ay sikkaganna ngana;
Makipaggiddang nittam ngara-ngaralda:
(KORO)
“Mabbalo, O Dios, ta netuppal mu.
Kani Cristo, ngamin napabagu.
Futumi napappannu tu pappabalo;
Ta kekakua, dayaw, sikaw i mepangngo.”
(Innan gapa i Sal. 37:10, 11; Isa. 65:17; Juan 5:28; 2 Ped. 3:13.)