NKUNGA 139
Kudimona Ntangu Bima Yonso Ta Vanda ya Mpa
-
1. Kudimona, mona mono;
Mona beto yonso na ntoto’a mpa.
Yindula nde nge ke zinga,
Na ngemba, na kimpwanza mpenza.
Bantu yonso ya mbi ta fwa;
Luyalu ya Nzambi ta nunga.
Ntoto ta kuma kisika mosi’a mpa,
Beto ta yimbaka
na ntima ya mvimba:
(REFRAIN)
“Yehowa mersi sa nge me sala.
Bima yonso’a mpa na nzila’a Mwana.
Ntonda na beto ke monana na nkunga;
Lukumu mpi nkembo yonso kele ya nge.”
-
2. Kudimona, mona mono;
Mpi vingila insi-ntoto ya mpa.
Kima mosi ve ta nata
Beto na kuvanda na boma.
Mambu yonso me lungana;
Bantu ke na tenta ya Nzambi.
Ntangu yayi bafwa ta futumuka,
Mpi bo ta kwi yimba
ti beto na ntonda:
(REFRAIN)
“Yehowa mersi sa nge me sala.
Bima yonso’a mpa na nzila’a Mwana.
Ntonda na beto ke monana na nkunga;
Lukumu mpi nkembo yonso kele ya nge.”
(Tala mpi Nk. 37:10, 11; Yez. 65:17; Yoa. 5:28; 2 Pie. 3:13.)
