NKUNGA 139
Ukiyindula Muna Nz’ampa
-
1.Yindula vo, nge ye mono;
Tukotele wau mu nza yampa.
Ekwe kiese! Ekwe nsambu!
Tuvevokele muna mpasi.
Umpumbulu usukidi;
E Kintinu mu yala kina.
Tufinamene kota mu nza yampa,
Tuyangalala
ye kiese tuyimbila:
(MVUTUKILU)
“Matondo kwa nge, e Yave Nzambi.
Ovangidi yawonso se yampa.
Tukuyimbidila ye kiese kiawonso;
Ngeye fwene nkembo, zitu ye matondo.”
-
2.Yindula vo, nge ye mono;
Tumwene nz’ampa twasiang’e vuvu.
Mpasi zeto, ziviokele
Ntima mieto miyangalele.
Nsilu’a Nzambi ulungane;
Wantu bena mu saba kiandi.
Yave ofutumwini wantu bafwa;
Tuyangalala
kumosi tuyimbila:
(MVUTUKILU)
“Matondo kwa nge, e Yave Nzambi.
Ovangidi yawonso se yampa.
Tukuyimbidila ye kiese kiawonso;
Ngeye fwene nkembo, zitu ye matondo.”
(Tala mpe Nku. 37:10, 11; Yes. 65:17; Yoa. 5:28; 2 Pet. 3:13.)
