Kʼa muiˬ liꞈ 139
Miˬ guiˬ awˬ suhˉ hkʼaw nawˬ ve a shaꞈ
-
1. Nawˬ dawˇ nyi sheˍ, ngaˬ hui hkʼa peu˗eˬ
Miˬ guiˬ awˬ suhˉ hkʼaw teˇ geh chehˇ taˍ ve.
Nawˬ gʼa dawˇ ve, ‘hkʼaˬ hkʼe hpehꞈ tuˬ?’
Awˬ tehˬ dawˇ sha gawˬ lehˍ cawˬ ve kʼo.
Haiˬ ve chaw hui kaꞈ mehˉ kʼai peuˬ˗oˬ.
Gʼuiˬ sha ve uˉ peunˍ cawˇ jaˇ ve yoˬ.
Miˬ guiˬ awˬ suhˉ kʼawꞈ tanˬ ve awˬ yanˇ gaˬ la˗oˬ.
Gʼuiˬ sha chiˇ mvuh tuˬ ngaˬ hui liꞈ hkawˇ chi kʼa ve.
(Kʼawꞈ kʼa kuiˬ)
Nawˬ te laˇ pa taw, awˬ bon uiˍ jaˇ mehˍ.
Nawˬ ve yaˇ paˍ htaꞈ uˉ peunˍ tcuh ve yoˬ.
Ngaˬ hui ha lehˬ jaˇ leh liꞈ hkawˇ chi htaꞈ kʼa gaˇ.
Awˬ meꞈ awˬ hponˇ piˇ leh nawˬ htaꞈ chiˇ mvuh tuˬ yoˬ.
-
2. Chi beuꞈ ngaˬ hui teˇ geh chehˇ ve,
Dawˇ law taˍ ve miˬ guiˬ awˬ suhˉ gaˬ la˗oˬ.
Awˬ hkawˇ teˇ hpaˍ, mawˬ ve hkʼa peu˗eˬ,
Ngaˬ hui htaꞈ kawˆ tuˬ te laˇ maˇ gʼa.
Gʼuiˬ sha kʼoˆ ve biˇ la peuˬ ˗oˬ,
Yawˇ ve chehˇ kuiˬ lehˬ chaw yaˇ geh cawˬ.
Suh ve chaw teˇ hpaˍ kʼawꞈ teꞈ tu yawˇ te ve,
Ha lehˬ ve pa taw ngaˬ hui teˇ geh chiˇ mvuh piˇ.
(Kʼawꞈ kʼa kuiˬ)
Nawˬ te laˇ pa taw, awˬ bon uiˍ jaˇ mehˍ.
Nawˬ ve yaˇ paˍ htaꞈ uˉ peunˍ tcuh ve yoˬ.
Ngaˬ hui ha lehˬ jaˇ leh liꞈ hkawˇ chi htaꞈ kʼa gaˇ.
Awˬ meꞈ awˬ hponˇ piˇ leh nawˬ htaꞈ chiˇ mvuh tuˬ yoˬ.
(Chiˇ 37:10, 11; Isy 65:17; Yoˇ 5:28; 2 Peˍ 3:13 kaꞈ nyi sheˍ.)
