KOPELO 139
Ipone o Phela Lefaseng le Lefsa
-
1. Hle ipone, le nna mpone
Lefaseng le lefsa la Modimo.
Inagane mafelelong
O le khutšong le tokologong.
Go ka se be le ba babe,
Jah o tla buša ka katlego.
Bjo ke bophelo lefaseng le lefsa.
Re tla opelela Jah
ka go hlaboša:
(KHORASE)
“Re a leboga ka tšohle Mmopi.
Morwa wa’go o buša gabotse.
Re opela ka lethabo go tšwa pelong,
Re iša letago le theto go wena.”
-
2. Hle ipone, le nna mpone;
Lebelela lefaseng le lefsa.
Se bonwago le go kwewa
Se ka se tšhoše le go tlaba.
Ka moka di phethegile,
Tente ya Modimo e bathong.
Bjale o tla tsoša ba ba hwilego,
Ba tla opela le rena
ka lethabo:
(KHORASE)
“Re a leboga ka tšohle Mmopi.
Morwa wa’go o buša gabotse.
Re opela ka lethabo go tšwa pelong,
Re iša letago le theto go wena.”
(Bona le Ps. 37:10, 11; Jes. 65:17; Joh. 5:28; 2 Pet. 3:1.)
