KOUL 139
Kilang Pein Kowe nan Sampah Kapw
-
1. Medewehla, kowe oh ngehi;
Oh kitail koaros nan sampah kapw ehu.
Ia pahn mwomwen mour ahnsowo,
Mour meleilei, uhdahn saledek.
Me suwed kan solahr mie;
En Koht kaunda pahn pweida mehlel.
Ahnsou ong sampah kapwo pahn leledo,
Koul en kaping pahn
kohsang nan atail mohngiong:
(CHORUS)
“Se kalahnganki soahng koaros, Maing Koht.
Mehkoaros kapw sang ni kaundahn noumw Ohl.
At mohngiong direkihla kaping nan koul wet;
Lingan oh wahu oh kaping en kowohng komwi.”
-
2. Medewehla, kowe oh ngehi;
Oh kilengwei mwowe ong sampah kapw.
Sohte ngihl de mehkot suwed
Pahn kahrehda keper de masak.
Eh inou kan koaros pweidahr;
Koaros mihmi pahn epwelpen Koht.
Met E pahn kaiasada me melahr kan;
Irail pahn iang kitail
ngisingiski kaping:
(CHORUS)
“Se kalahnganki soahng koaros, Maing Koht.
Mehkoaros kapw sang ni kaundahn noumw Ohl.
At mohngiong direkihla kaping nan koul wet;
Lingan oh wahu oh kaping en kowohng komwi.”
(Pil kilang Mel. 37:10, 11; Ais. 65:17; Sohn 5:28; 2 Pit. 3:13.)