139-QO‘SHIQ
Yangi dunyoga sayr etaylik
-
1. Hamroh bo‘ling bugun menga,
Xayolan sayr etaylik jannatga.
Ushbu go‘sha sokin erur,
Chin erkinlik u hadya qilur.
Barham topdi alam-qayg‘u,
Turgay Yahning Shohligi mangu.
Endi hayotni boshlaymiz yangitdan
Va madh etamiz Allohni butun qalbdan:
(NAQAROT)
«Yangi dunyoni, Tangri, yaratding,
Cheksiz erur betakror ishlaring.
Loyiqsan sharafga, ehtirom-u madhga,
Ming-ming rahmatlar aytamiz, yo Rab, Senga».
-
2. Hamroh bo‘ling bugun menga,
Nigoh soling bu yangi dunyoga.
Ro‘yi zamin orom topdi,
Qo‘rquv ismi qalblardan o‘chdi.
Yah O‘z ahdin bajo qildi,
Xalqi ichra U chodir qurdi.
O‘lgan insonlar uyqudan turganda,
Unga sanolar kuylagaymiz jo‘rlikda:
(NAQAROT)
«Yangi dunyoni, Tangri, yaratding,
Cheksiz erur betakror ishlaring.
Loyiqsan sharafga, ehtirom-u madhga,
Ming-ming rahmatlar aytamiz, yo Rab, Senga».
(Shuningdek, Zab. 37:10, 11; Ishayo 65:17; Yuhan. 5:28; 2 Butr. 3:13 ga qarang.)
