KARANTAHON 139
Handurawa an Bag-o nga Kalibotan
-
1. Handurawa, kita tanan
Adto ha bag-o nga kalibotan.
Hunaa la an kahimtang
Kon mayda na kamurayawan.
Karaotan wawad-on na;
An aton Dios magmamando na.
An kahimtang ha tuna babag-uhon;
An pagdayaw ha Dios
aton kakantahon:
(KORO)
“Salamat, O Jah, han im’ ginbuhat.
Nabag-o ngatanan han im’ Anak.
Kami nakanta nga duro an kalipay;
An am’ gindadayaw ikaw gud la, Amay.”
-
2. Handurawa, adto kita
Ha kalibotan nga ginbag-o na.
Waray sadang kabarak-an,
Waray liwat kakahadlokan.
Saad han Dios natutuman;
Katawhan ginpapanalipdan.
An mga patay iya babanhawon
Ngan maduyog ha
pagpasalamat naton:
(KORO)
“Salamat, O Jah, han im’ ginbuhat.
Nabag-o ngatanan han im’ Anak.
Kami nakanta nga duro an kalipay;
An am’ gindadayaw ikaw gud la, Amay.”
(Kitaa liwat an Sal. 37:10, 11; Isa. 65:17; Juan 5:28; 2 Ped. 3:13.)
