Dawˬ caˇ 141
Zahˬ leˇ paˬ˗ehˇ gʼeh˗eu dehꞈ˗eu jeˬ
-
1. Uˬ yehˇ yawˬ dzuiꞈ na dehꞈ le zaˬ dawˬ tawˆ,
bymˬ laˇ eu cehˇ dawˬ tawˆ luꞈ nahˇ ma yaw shehꞈ,
Miˬyehˇ neh biꞈ euˬ yawꞈ euˬ laꞈ zaˇ pyeuꞈ.
Aˬ dui dehꞈ ziˇ˗ahˇ zahˬ leˇ paˬ˗ehˇ gʼeh jeˬ neh bo saˆ.
(Caˇ poˆ)
Zawˇ ma˗ehˇ poeˬ eu laꞈ sawˬ˗ahˇ aˇ dui noeˬ keuˆ ngeh,
kʼaˇ gʼeh nya laꞈ kʼoeˇ Miˬyehˇ˗ahˇ gaˬ awˇ,
yawꞈ ahˇ noeˬ mawˇ.
Aˇ naˆ ni leh jeh kʼawꞈ dui laꞈ sawˬ heu ahˇ za
maˬ geuˇ Miˬyehˇ neh biꞈ˗euˬ zahˬ leˇ paˬ˗ehˇ gʼeh jeˬ pyeuꞈ.
-
2. Gʼaˬ baˬ luꞈ eu deuˬ “Miˬyehˇ˗ahˇ yaˬ kʼehˇ yaˬ˗awˇ
shiˇ awˬ” lehˇ ehˇ eu Yoˇbaˆ miˬ zaˬ ahˇ duˇ.
Dui teu loꞈ˗ehˇ maˬ gʼeh Miˬyehˇ ahˇ ja ceuˬ.
Dui Miˬyehˇ ahˇ guiˬ lahˬ huiˬ ma dawˬ tawˆ gʼaˇ duˬ.
(Caˇ poˆ)
Zawˇ ma˗ehˇ poeˬ eu laꞈ sawˬ˗ahˇ aˇ dui noeˬ keuˆ ngeh,
kʼaˇ gʼeh nya laꞈ kʼoeˇ aˬ cawˬ˗ahˇ gaˬ awˇ,
yawꞈ maꞈ˗ahˇ ngehˬ gʼeh.
Aˇ naˆ ni leh jeh kʼawꞈ dui laꞈ sawˬ heu ahˇ za
maˬ geuˇ Miˬyehˇ neh biꞈ˗euˬ zahˬ leˇ paˬ˗ehˇ gʼeh jeˬ pyeuꞈ.
(Baˆ. 2:9; Ceuˬ. 34:12; Tsoˆ. 8:15; Tehˬ. 22:37-40; Maˆ. 6:23-ahˇ haw.)
