141-МӖШ ЮРӐ
Пурнӑҫ — хаклӑ парне
(Псалом 35:10)
-
1. Ҫӗнӗ кун ҫути, сар хӗвел ӑшши,
Шыв тумламӗ, юр пӗрчи, тырӑ кӗлти —
Пӗтӗмпех пире Турӑ парнелет.
Пирӗн пурнӑҫпа телей унран ҫеҫ килет.
ХУШСА ЮРЛАМАЛЛИ
Ҫак чаплӑ парнене — пурнӑҫа — хаклар.
Кашни куншӑн савӑнар, чӑн Турра юратар.
Мулпа е ӗҫлесе ӑна илейместпӗр,
Ӑна ҫӳлти Атте юратнӑран парать.
-
2. Йывӑр пулнӑран шанчӑк ҫухатса
Пӗрисем пуҫне усаҫ вилӗм ыйтса.
Эпир ун пек мар: тав туса Турра,
Пурнӑҫ панӑшӑн чунтан мухтатпӑр ӑна.
ХУШСА ЮРЛАМАЛЛИ
Ҫак чаплӑ парнене — пурнӑҫа — хаклар.
Кашни куншӑн савӑнар, ҫынсене юратар.
Мулпа е ӗҫлесе ӑна илейместпӗр,
Ӑна ҫӳлти Атте юратнӑран парать.
(Ҫавӑн пекех Иов 2:9; Пс. 33:13; Еккл. 8:15; Матф. 22:37—40; Рим 6:23 пӑхӑр.)