KANTIK 141
Lavi, enn Kado ki Ena Valer
(Psom 36:9)
-
1. Sak zanfan ki ne, Sak ti gout lapli,
Sak reyon soley leve, Sak ti zepi;
Se bann don Bondie, Tou Limem ki’nn kree.
Toulezour so bann mirak fer lavi zoli.
(REFRIN)
Alor ki nou pou fer, pou remersie Li?
Apart ki nou kontan Bondie ki’nn donn nou lavi.
Ninport ki nou pou fer, pa kapav aste li!
Vremem li enn kado—Samem mirak lavi!
-
2. Sertin fatige, Zot dekouraze,
Zot nepli anvi lite, Zot les tonbe.
Nou, ki konn Bondie, Pena mem panse.
Pou sak moman nou lavi, nou dir Li mersi.
(REFRIN)
Alor ki nou pou fer, pou remersie Li?
Apart ki nou ed nou prosin, ek nou kontan li.
Ninport ki nou pou fer, pa kapav aste li!
Vremem li enn kado—Samem mirak lavi!
(Get osi Zob 2:9; Ps. 34:12; Ekle. 8:15; Mat. 22:37-40; Rom. 6:23.)
