گیت نمبر 141
زندگی—خدا کی بیشقیمت نعمت
(زبور 36:9)
-
1. کِرنیں سورج کی، بوندیں بارش کی
اور اناج کی بالیں بھی خالق نے دیں
اِن سے رہتا ہے جیون برقرار
اِن سے ظاہر ہوتا ہے یہوواہ کا پیار
یہ زندگی ہم یوں اِستعمال کریں
کہ یہوواہ سے محبت ہمیشہ کریں
یہ زندگی ہے دین یہوواہ خدا کی
سو کریں اُس کے نام یہ قیمتی زندگی
-
2. کچھ لوگ ہیں مایوس اور ناشکر بھی
قدر نہیں کرتے وہ زندگی کی
پر یہ نعمت ہے باپ یہوواہ کی
سو ہم کریں دل و جان سے قدر اِس کی
اِس نعمت کو ہم یوں اِستعمال کریں
کہ پڑوسی سے محبت ہر حال میں کریں
یہ زندگی ہے دین یہوواہ خدا کی
سو کریں اُس کے نام یہ قیمتی زندگی
(ایو 2:9؛ زبور 34:12؛ واعظ 8:15؛ متی 22:37-40؛ روم 6:23 کو بھی دیکھیں۔)