KʼAAY 141
Le kuxtaloʼ u siibal Jéeoba
-
1. Bix u síijil máak, bix u kʼáaxal jaʼ,
bix jaʼtsil xan in wilik u tíipʼil Kʼiin.
Bix jaʼtsil yantal u yich in paakʼal.
¡Jach jatsʼuts tuláakal baʼax u beetmaj Jéeoba!
(CORO 1)
¿Bix ken in boʼot tiʼ teech in kuxtal, Jéeoba?
Yaan in beetik baʼax ka waʼalik tuláaklin kuxtal.
In yaabiltmech, Jéeoba, kin sen tsʼáaiktech gracias.
Jatsʼuts le siibalaʼ tumen tiʼ teech u taal.
-
2. Yaan máax ken u yaʼal: «Kʼaas le kuxtalaʼ.
Naʼan u biilal in kuxtal, táan in muʼyaj».
Chéen baʼaleʼ teneʼ kex tin muʼyajeʼ
kin tsʼáaik gracias tiʼ Jéeoba yoʼolal in kuxtal.
(CORO 2)
¿Bix ken in boʼot tiʼ teech in kuxtal, Jéeoba?
Yaan in yaabiltik u maasil tuláaklin kuxtal.
In yaabiltmech, Jéeoba, kin sen tsʼáaiktech gracias.
Jatsʼuts le siibalaʼ tumen tiʼ teech u taal.
(Ilaʼak xan Job 2:9; Sal. 34:12; Ecl. 8:15; Mat. 22:37-40; Rom. 6:23.)