ULWIMBO 143
Twalililani Ukulindilila nu Kuwomba
-
1. Leza wa mpindi ni myaka,
Zina lyakwe we Yehova—
Wandi alenge izina
Lyakwe ukucindikwa.
(KORASI)
Twalililani vye ukuwomba,
Nu kulindilila pano
Leza lizifyi vintu.
-
2. Leza wasola uwanda;
Pano Yesu aliyiza,
Mukonona awawipe.
Aliwacimvya wonsi.
(KORASI)
Twalililani vye ukuwomba,
Nu kulindilila pano
Leza lizifyi vintu.
-
3. Nanti tungayimba wuli,
Twamanyu kuti Yehova.
Lifumyapo iviwipe,
Wandi atuluwule.
(KORASI)
Twalililani vye ukuwomba,
Nu kulindilila pano
Leza lizifyi vintu.
(Lolani na Mat. 25:13; Luk. 12:36.)
