KʼAAY 144
Ilaba teʼ túumben luʼumoʼ
-
1. Le kéen paakatnak le chʼóopoʼoboʼ,
le kéen uʼuyajnak le kóokoʼoboʼ,
kéen kuxlak tu kaʼatéen k-láakʼtsiloʼob,
kéen xuʼulsaʼak le kʼojaʼaniloʼ,
kéen yanak tiʼ toʼon kuxtal mantatsʼ...
¡Jach jatsʼuts baʼax ken u beet Jéeoba!
(CORO)
Ilaba teʼ luʼum sen kiʼichkelmaʼ.
Jach páaʼt le jatsʼuts kuxtalaʼ.
-
2. Maʼ tun xáantaleʼ yaan a wilik
bix kun múul antal le baʼalcheʼoboʼ.
Chéen juntúul chan paal kun nuʼuktikoʼob,
maʼ ten u chʼaʼ xan saajkil tiʼob.
Yaan u xuʼulul u yantal muʼyaj.
¡Jach nojoch u yaabilaj Jéeoba!
(CORO)
Ilaba teʼ luʼum sen kiʼichkelmaʼ.
Jach páaʼt le jatsʼuts kuxtalaʼ.
(Ilaʼak xan Isa. 11:6-9; 35:5-7; Juan 11:24.)
