ULWIMBO 146
‘Fyonse Fikaba Ifipya’
-
1. Ifishibilo ifyo tulemona
Filango kuti Kristu ni Mfumu.
Satana balimupoosa pa nshi,
Balamufumya na pano calo.
(KORASI)
Sekeleni! Pantu Lesa
Kekala pamo na bantu.
Akafumyapo ukucula no
Kufwa, e lyo na masakamika.
Lesa alilaya ukutila,
‘Fyonse fikabe fipya.’
-
2. Moneni Yerusalemu umupya,
E nabwinga wa kwa Kristu Yesu.
Fyonse fyo afwele fyalibeeka,
Yehova e lubuuto ulwakwe.
(KORASI)
Sekeleni! Pantu Lesa
Kekala pamo na bantu.
Akafumyapo ukucula no
Kufwa, e lyo na masakamika.
Lesa alilaya ukutila,
‘Fyonse fikabe fipya.’
-
3. Bantu bakatemwa uyu musumba.
Miinshi ya uko tayakesalwe.
Ababomfi aba kwa Yehova
Nomba balebila pa Bufumu.
(KORASI)
Sekeleni! Pantu Lesa
Kekala pamo na bantu.
Akafumyapo ukucula no
Kufwa, e lyo na masakamika.
Lesa alilaya ukutila,
‘Fyonse fikabe fipya.’
(Moneni na Mat. 16:3; Ukus. 12:7-9; 21:23-25.)
