KANTA 148
Ni Jehova ti Mangisalakan
-
1. Sika ti sibibiag a Dios, O Jehova.
Pinarsuam ti langit,
ti baybay ken daga.
Awan sabali a dios a kas kenka, O Amak.
Kabusor maabak.
(KORO)
Ispalen ni Jehova ti napudno.
Salaknibanna ti agkamang kenkuana.
Isaknaptay ti kinatan-ok ken naganna.
Ni Jehova isalakanna ti ilina.
-
2. Nupay talin’ patay pinulipolannak,
Agtalekak kenka,
tulongannak koma.
Ipakaasik kenka, pabilgennak, O Amak,
Ken arayatennak.
(KORO)
Ispalen ni Jehova ti napudno.
Salaknibanna ti agkamang kenkuana.
Isaknaptay ti kinatan-ok ken naganna.
Ni Jehova isalakanna ti ilina.
-
3. Manipud langit gumluong ti timekmo;
Pagkintayegenna
ti kabkabusormo.
Ti pannakabalinmo makitanto ti amin
Nga isalakanmo.
(KORO)
Ispalen ni Jehova ti napudno.
Salaknibanna ti agkamang kenkuana.
Isaknaptay ti kinatan-ok ken naganna.
Ni Jehova isalakanna ti ilina.
(Kitaem met ti Sal. 18:1, 2; 144:1, 2.)
