PIREKUA 148
Jeobarini jarhuatasïndi, ji mintsiksïnga
(2 Samuel 22:1-8)
-
1. Jeoba tʼurini no méni jandiajku jurhajkusïnga,
jarhuatasïngarini,
uinhapekuari jatsiska.
Auandarhu ka echerirhu no méni jauati,
oh, Jeoba,
ne engakini úaka andani.
(KORU)
Jeobarini jarhuatasïndi, ji mintsiksïnga.
Parhakpini exeati na enga xáni kʼéri ambeka ima.
Kánikua tsípikua jingoni uéksïnga ji
kʼéri ambe arhini
ka uandantani eska juchari Tata Diosï
kʼéri ambeska.
-
2. Nájkiruka xáni no sési jánhaskuarheni jaka,
ji mítitixaka
eskari uinhapitiiska.
Tʼurini, Jeoba, jarhuataaka parani ji úni sési jarhani.
Jíndeni jingondi jarhaska.
(KORU)
Jeobarini jarhuatasïndi, ji mintsiksïnga.
Parhakpini exeati na enga xáni kʼéri ambeka ima.
Kánikua tsípikua jingoni uéksïnga ji
kʼéri ambe arhini
ka uandantani eska juchari Tata Diosï
kʼéri ambeska.
-
3. No ióni jimboksï chíti
enemiguecha chéni jauati
engaksï exeaka eska tʼu
uinhapitiska, Jeoba.
Tata Jeoba kʼamajkuati no sési ambeni,
ka jucha
sésichi irekaakia.
(KORU)
Jeobarini jarhuatasïndi, ji mintsiksïnga.
Parhakpini exeati na enga xáni kʼéri ambeka ima.
Kánikua tsípikua jingoni uéksïnga ji
kʼéri ambe arhini
ka uandantani eska juchari Tata Diosï
kʼéri ambeska.
(Ístu exe je Sal. 18:1, 2; 144:1, 2).