CÂNTICO 150
Pesikari Jeová peyusalvari aram
(Sofonias 2:3)
-
1. Miraitá ta⁀uikú
Jesus Kristo ruaxá.
Yawewaá resewara Deus
usú umbawa aintá.
Deus Reino⁀uyupirũ,
iwaka upé⁀umundú.
Usú⁀umukañhemu⁀awaitá
tiwaá⁀uruyari Jeová.
(MUKŨISÁ)
Pañhe awá purangawaá
umusurí Jeová piá.
Yasendú⁀ixupé,
yaruyai⁀isesé,
usalvai arama yandé.
Jeová Deus usaisú yandé,
kirimbá Aé.
-
2. Yaputai yambué
pañhe miraitá supé
Jeová asuí Jesus resé
ta⁀uyusalvari aram.
Ti yasú yasikié
até iwasú ramé!
Jeová umuñhakunta⁀awá
usikaiwarawaá⁀Aé.
(MUKŨISÁ)
Pañhe awá purangawaá
umusurí Jeová piá.
Yasendú⁀ixupé,
yaruyai⁀isesé,
usalvai arama yandé.
Jeová Deus usaisú yandé,
kirimbá Aé.
(Remaã yuíri 1 Sam. 2:9; Sal. 2:2, 3, 9; Pro. 2:8; Mat. 6:33.)
