အခန်း ၁၆
“နဖူးမှာ မှတ်သားပါ”
အာရုံစိုက်ရာ။ ယေဇကျေလခေတ် သစ္စာရှိသူတွေ အသက်ရှင်လွတ်မြောက်ဖို့ မှတ်သားခံရပုံနဲ့ ကျွန်တော်တို့ခေတ်အတွက် အဓိပ္ပာယ်
၁-၃။ (က) ယေဇကျေလ ဘာကြောင့် အံ့အားသင့်နေသလဲ။ ဂျေရုဆလင်မြို့ ပျက်စီးခြင်းအကြောင်း ဘာသိလိုက်ရသလဲ။ (ခ) ဘယ်မေးခွန်းတွေ သုံးသပ်ကြမလဲ။
ယေဇကျေလ အံအားသင့်နေတယ်။ ဂျေရုဆလင်ဗိမာန်တော်မှာ အယူဖောက်ပြန်တဲ့ ဂျူးတွေ လုပ်နေတဲ့ ရွံစရာအကျင့်တွေကို စိတ်အာရုံမှာ အခုလေးတင် မြင်ခဲ့တယ်။ * အဲဒီပုန်ကန်သူတွေက အစ္စရေးပြည်ရှိ စင်ကြယ်တဲ့ ဝတ်ပြုကိုးကွယ်မှုရဲ့ အချက်အချာနေရာကို ညစ်ညူးစေခဲ့ကြပြီ။ ဗိမာန်တော်မှာ ညစ်ညူးစေကြရုံသာမက ယုဒပြည်မှာလည်း အကြမ်းဖက်မှုတွေ ပြည့်လာစေလို့ အဖတ်ဆယ်မရတော့ဘူး။ ရွေးချယ်ထားတဲ့ လူမျိုးရဲ့ လုပ်ရပ်တွေကြောင့် ယေဟောဝါ အကြီးအကျယ် အမျက်ထွက်ပြီး “ငါဒေါသတကြီး အရေးယူမယ်” ဆိုပြီး ယေဇကျေလကို မိန့်ဆိုခဲ့တယ်။—ယေဇ. ၈:၁၇၊ ၁၈။
၂ တစ်ချိန်က သန့်ရှင်းမြင့်မြတ်တယ်လို့ သတ်မှတ်ခံခဲ့ရဖူးတဲ့ ဗိမာန်တော်နဲ့ ဂျေရုဆလင်မြို့ကို ယေဟောဝါ အမျက်ထွက်ပြီး ဖျက်ဆီးတော့မယ်ဆိုတာ သိလိုက်တဲ့အခါ ယေဇကျေလ သိပ်ဝမ်းနည်းသွားတယ်။ ‘မြို့ထဲက သစ္စာရှိသူတွေ ဘယ်လို ဖြစ်သွားမလဲ။ အသက်ချမ်းသာရာ ရကြမလား။ ဘယ်လိုနည်းနဲ့လဲ’ ဆိုပြီး ယေဇကျေလ တွေးမိနိုင်တယ်။ အဖြေအတွက် ယေဇကျေလ သိပ်မစောင့်လိုက်ရပါဘူး။ ဂျေရုဆလင်မြို့ကို တရားစီရင်မယ့်သတင်း ကြားပြီးတာနဲ့ ကွပ်မျက်သူတွေကို ဆင့်ခေါ်တဲ့အသံ အကျယ်ကြီးယေဇ. ၉:၁) သိမ်းရုံးဖျက်ဆီးမှာ မဟုတ်ဘဲ ရွေးချယ်စိစစ်ပြီး ဖျက်ဆီးမယ်ဆိုတာကို စိတ်အာရုံကတစ်ဆင့် သိလိုက်ရလို့ ပရောဖက် စိတ်သက်သာသွားတယ်။ ထိုက်တန်သူတွေ အသက်ရှင်လွတ်မြောက်ပါလိမ့်မယ်။
ကိုလည်း ကြားလိုက်ရတယ်။ (၃ လောကစနစ်ဆိုး အဆုံးတိုင်တဲ့အခါ ဖျက်ဆီးခြင်းဘေးကြီးကနေ ဘယ်သူတွေ အသက်ရှင်လွတ်မြောက်မလဲဆိုတာ ကျွန်တော်တို့လည်း သိချင်ကြပါတယ်။ (၁) စိတ်အာရုံမှာ ယေဇကျေလ နောက်ထပ် ဘာမြင်ရသလဲ။ (၂) ယေဇကျေလခေတ်မှာ စိတ်အာရုံ ဘယ်လို ပြည့်စုံခဲ့သလဲ။ (၃) ဒီပရောဖက်ပြုချက်ဆိုင်ရာ စိတ်အာရုံက ကျွန်တော်တို့ခေတ်အတွက် ဘာအဓိပ္ပာယ်ရှိသလဲဆိုတာတွေကို သုံးသပ်ကြည့်ကြစို့။
“ဒဏ်ခတ်ဖျက်ဆီးဖို့ . . . ဆင့်ခေါ်လိုက်ပါ”
၄။ စိတ်အာရုံမှာ ယေဇကျေလ မြင်ရ၊ ကြားရတဲ့အရာကို ဖော်ပြပါ။
၄ စိတ်အာရုံမှာ ယေဇကျေလ နောက်ထပ် ဘာမြင်ရ၊ ကြားရသလဲ။ (ယေဇကျေလ ၉:၁-၁၁ ကို ဖတ်ပါ။) “မြောက်အရပ်ဘက် မျက်နှာမူထားတဲ့ အထက်တံခါးပေါက်ကနေ” လူခုနစ်ယောက် ထွက်လာတယ်။ အဲဒီတံခါးပေါက်ဟာ ဘုရားရဲ့ ဝန်တိုစိတ်ကို ဆွပေးတဲ့ရုပ်တု ရှိတဲ့နေရာ၊ တမ္မုဇနတ်ဘုရားအတွက် အမျိုးသမီးတွေ ငိုကြွေးတဲ့နေရာနား ဖြစ်နိုင်တယ်။ (ယေဇ. ၈:၃၊ ၁၄) လူခုနစ်ယောက်က ဗိမာန်တော် အတွင်းရင်ပြင်ထဲ ဝင်ပြီး ကြေးနီပူဇော်ရာပလ္လင်ဘေးမှာ ရပ်ကြတယ်။ ပူဇော်သက္ကာ ဆက်သဖို့တော့ မဟုတ်ဘူး။ ဗိမာန်တော်မှာ ဆက်သတဲ့ ပူဇော်သက္ကာတွေကို ယေဟောဝါ လက်မခံတော့တာ ကြာပြီ။ လူခြောက်ယောက်က “ရိုက်ခွဲစရာလက်နက် ကိုယ်စီ ကိုင်ထားတယ်။” ခုနစ်ယောက်မြောက်လူက သိသိသာသာ ကွဲထွက်နေတယ်။ ချည်ထည် ဝတ်ဆင်ထားတယ်။ ခါးမှာ လက်နက် မဟုတ်ဘဲ “စာရေးတော်မင်ဘူး” ချိတ်ထားတယ်။
၅၊ ၆။ မှတ်သားခံရသူတွေနဲ့ပတ်သက်ပြီး ဘာကောက်ချက် ချနိုင်သလဲ။ (ဆောင်းပါးအစမှာပါတဲ့ပုံကို ကြည့်ပါ။)
၅ မင်အိုးချိတ်ထားသူရဲ့ တာဝန်က ဘာလဲ။ “ဂျေရုဆလင်မြို့ထဲ သွားပါ။ မြို့ထဲမှာ လုပ်နေတဲ့ ရွံစရာတွေကြောင့် သက်ပြင်းချသူတွေ၊ ညည်းတွားသူတွေရဲ့ နဖူးမှာ မှတ်သားပါ” ဆိုပြီး ယေဟောဝါဆီက တာဝန် ရထားတယ်။ ဖျက်ဆီးခြင်းဘေးကနေ သားဦးတွေ ကယ်တင်ခံရဖို့ တံခါးတိုင်နဲ့ တံခါးထုပ်ပေါ်မှာ သွေးသုတ်ခဲ့တဲ့ သစ္စာရှိ အစ္စရေးမိဘတွေအကြောင်း ယေဇကျေလ ပြန်တွေးမိနိုင်တယ်။ (ထွ. ၁၂:၇၊ ၂၂၊ ၂၃) ယေဇကျေလ စိတ်အာရုံပါ မင်အိုးချိတ်ထားသူ မှတ်သားတဲ့ နဖူးပေါ်က အမှတ်အသားဟာ ဂျေရုဆလင်မြို့ ပျက်စီးခြင်းဘေးကနေ အသက်ရှင်လွတ်မြောက်မယ့် အမှတ်အသားများလား။
၆ မှတ်သားရတဲ့ အကြောင်းရင်းကို ဆန်းစစ်တဲ့အခါ အဖြေ ရှင်းလာပါတယ်။ “မြို့ထဲမှာ လုပ်နေတဲ့ ရွံစရာတွေကြောင့် သက်ပြင်းချသူတွေ၊ ညည်းတွားသူတွေရဲ့ နဖူးမှာ” မှတ်သားဖို့ဆိုပြီး ဖော်ပြထားတယ်။ မှတ်သားခံရသူတွေနဲ့ပတ်သက်ပြီး ဘာကောက်ချက် ချနိုင်သလဲ။ တစ်ချက်အနေနဲ့ သူတို့ဟာ ဗိမာန်တော်က ရုပ်တုကိုးကွယ်ခြင်းကြောင့်သာမက ဂျေရုဆလင်မြို့မှာ ပြည့်နှက်နေတဲ့ အကြမ်းဖက်မှု၊ အကျင့်ယိုယွင်းမှု၊ အကျင့်ပျက်ခြစားမှုတွေကြောင့် အကြီးအကျယ် ဝမ်းနည်းနေသူတွေ ဖြစ်တယ်။ (ယေဇ. ၂၂:၉-၁၂) ဒါ့အပြင် သူတို့က ခံစားချက်ကို ဖုံးကွယ်ထားကြပုံ မရဘူး။ စိတ်နှလုံးရိုးဖြောင့်သူတွေက တိုင်းပြည်အတွင်း ဖြစ်ပျက်နေတာတွေကို ရွံမုန်းကြောင်း၊ စင်ကြယ်တဲ့ ဝတ်ပြု ကိုးကွယ်မှုမှာ သစ္စာရှိရှိ ပါဝင်ကြောင်း အပြောအဆို၊ လုပ်ရပ်တွေနဲ့ ပြကြတယ်။ ယေဟောဝါက ကရုဏာတော်ကြောင့် ထိုက်တန်သူတွေကို ကယ်တင်ပါလိမ့်မယ်။
၇၊ ၈။ ရိုက်ခွဲစရာလက်နက် ကိုင်ထားသူတွေက တာဝန် ဘယ်လို ထမ်းဆောင်ရမလဲ။ နောက်ဆုံး ရလဒ်က ဘာလဲ။
၇ ရိုက်ခွဲစရာလက်နက် ကိုယ်စီ ကိုင်ထားတဲ့ လူခြောက်ယောက်ကကော တာဝန်ကို ဘယ်လို ထမ်းဆောင်ရမလဲ။ မင်အိုး ချိတ်ထားသူနောက် လိုက်သွားပြီး နဖူးမှာ အမှတ်အသားပါသူတွေကလွဲလို့ ကျန်တဲ့လူတိုင်းကို ကွပ်မျက်ဖို့ ယေဟောဝါ ညွှန်ကြားနေတာ ယေဇကျေလ ကြားလိုက်တယ်။ “သန့်ရှင်းရာဌာနတော်ကနေ စလုပ်ပါ” ဆိုပြီး ယေဟောဝါ ညွှန်ကြားတယ်။ (ယေဇ. ၉:၆) ဒါကြောင့် ကွပ်မျက်သူတွေက ယေဟောဝါအတွက် မသန့်ရှင်းတော့တဲ့ ဂျေရုဆလင်ဗိမာန်တော်ကနေ အလုပ်စကြရမယ်။ အယူမှားဘုရားတွေဆီ နံ့သာပေါင်း ပူဇော်နေကြတဲ့ “အိမ်တော်ရှေ့မှာရှိတဲ့ အကြီးအကဲ” ၇၀ ဦးဆုံး ကွပ်မျက်ခံရမယ်။—ယေဇ. ၈:၁၁၊ ၁၂။ ၉:၆။
၈ နောက်ဆုံး ရလဒ်က ဘာလဲ။ “မိန့်မှာထားတဲ့အတိုင်း လုပ်ပြီးပါပြီ” ဆိုပြီး ယေဟောဝါယေဇ. ၉:၁၁) ‘ဂျေရုဆလင်မြို့သားတွေရဲ့ အခြေအနေ ဘယ်လို ရှိသလဲ။ သစ္စာရှိသူတွေ ဖျက်ဆီးခြင်းဘေးကနေ အသက်ရှင်လွတ်မြောက်ခဲ့သလား’ စသဖြင့် ကျွန်တော်တို့ တွေးမိနိုင်တယ်။
ဆီ မင်အိုးချိတ်ထားသူ သတင်းပို့တာကို ယေဇကျေလ တွေ့တယ်။ (ယေဇကျေလခေတ်မှာ စိတ်အာရုံ ဘယ်လို ပြည့်စုံခဲ့သလဲ
၉၊ ၁၀။ ဂျေရုဆလင်မြို့ ဖျက်ဆီးခြင်းဘေးကနေ အသက်ရှင်လွတ်မြောက်တဲ့ သစ္စာရှိသူတချို့က ဘယ်သူတွေလဲ။ သူတို့နဲ့ပတ်သက်ပြီး ဘာကောက်ချက် ချနိုင်သလဲ။
၉ ရာဇဝင်ချုပ် ဒုတိယစောင် ၃၆: ၁၇-၂၀ ကို ဖတ်ပါ။ ဂျေရုဆလင်မြို့နဲ့ ဗိမာန်တော်ကို ဗာဗုလုန်စစ်တပ် ဖျက်ဆီးတဲ့ ဘီစီ ၆၀၇ မှာ ယေဇကျေလ ပရောဖက်ပြုချက် ပြည့်စုံခဲ့တယ်။ သစ္စာမဲ့ ဂျေရုဆလင်မြို့အပေါ် အပြစ်ဒဏ် သွန်းလောင်းချိန်မှာ ဗာဗုလုန်လူမျိုးဟာ “ယေဟောဝါလက်ထဲက” အသုံးတော်ခံ “ခွက်” ပမာ ဖြစ်ခဲ့တယ်။ (ယေ. ၅၁:၇) အားလုံး သိမ်းရုံးဖျက်ဆီးခံခဲ့ရသလား။ မဟုတ်ပါဘူး။ ဗာဗုလုန်တွေ လက်ချက်နဲ့ လူတချို့ သေမှာ မဟုတ်ကြောင်း ယေဇကျေလ စိတ်အာရုံက ကြိုတင်ဖော်ပြခဲ့တယ်။—က. ၁၈:၂၂-၃၃။ ၂ ပေ. ၂:၉။
၁၀ ရေခပ်အမျိုးသားတွေ၊ အီသီယိုးပီးယားလူမျိုး ဧဗဒမေလက်၊ ပရောဖက် ယေရမိ၊ အတွင်းရေးမှူး ဗာရုတ် အပါအဝင် သစ္စာရှိသူတွေ အသက်ရှင်လွတ်မြောက်ခဲ့ကြတယ်။ (ယေ. ၃၅:၁-၁၉။ ၃၉:၁၅-၁၈။ ၄၅:၁-၅) သူတို့ဟာ ဂျေရုဆလင်မြို့ထဲမှာ လုပ်နေတဲ့ “ရွံစရာတွေကြောင့် သက်ပြင်းချသူတွေ၊ ညည်းတွားသူတွေ” ဖြစ်ရမယ်လို့ ယေဇကျေလ စိတ်အာရုံအရ ကောက်ချက်ချနိုင်တယ်။ (ယေဇ. ၉:၄) ဆိုးညစ်မှုကို ငြင်းပယ်ကြောင်း၊ စင်ကြယ်တဲ့ ဝတ်ပြုကိုးကွယ်မှုမှာ သစ္စာရှိရှိ ပါဝင်ကြောင်း ဖျက်ဆီးခြင်းဘေးမတိုင်ခင် ဖော်ပြခဲ့ကြလို့ ကယ်တင်ခံခဲ့ကြရတယ်။
၁၁။ ရိုက်ခွဲစရာလက်နက် ကိုင်ထားတဲ့ လူခြောက်ယောက်နဲ့ စာရေးတော်မင်ဘူး ချိတ်ထားသူက ဘယ်သူတွေကို ကိုယ်စားပြုသလဲ။
၁၁ သစ္စာရှိသူတွေဟာ ကယ်တင်ခံရဖို့ တကယ့် အမှတ်အသား ရခဲ့ကြသလား။ ယေဇကျေလ ဒါမှမဟုတ် တခြားပရောဖက်တစ်ယောက်ယောက် ဂျေရုဆလင်မြို့တစ်လျှောက် သွားပြီး သစ္စာရှိသူတွေရဲ့ နဖူးမှာ မှတ်သားခဲ့တဲ့အကြောင်း မှတ်တမ်း မရှိပါဘူး။ ယေဇကျေလ စိတ်အာရုံက ကောင်းကင်ဘုံမှာ ဖြစ်ပျက်နေတဲ့အရာကို ဖော်ပြတာ ဖြစ်လို့ လူ့မျက်စိနဲ့ မမြင်နိုင်ဘူး။ ဒါကြောင့် စာရေးတော်မင်ဘူး ချိတ်ထားသူ၊ ရိုက်ခွဲစရာလက်နက် ကိုင်ထားသူ ခြောက်ယောက်တို့ဟာ ယေဟောဝါရဲ့ အလိုတော် ထမ်းဆောင်ဖို့ အမြဲအသင့်ရှိနေကြတဲ့ သစ္စာရှိ နာမ်ဝိညာဉ်သားတွေကို ကိုယ်စားပြုတယ်။ (ဆာ. ၁၀၃:၂၀၊ ၂၁) ယေဟောဝါက သစ္စာမဲ့ ဂျေရုဆလင်မြို့ကို တရားစီရင်ဖို့ ကောင်းကင်တမန်တွေကို သုံးပြီး ညွှန်ကြားခဲ့တယ်။ တရားစီရင်တဲ့အခါ ကောင်းကင်တမန်တွေက သိမ်းရုံးဖျက်ဆီးမှာ မဟုတ်ဘဲ ရွေးချယ်စိစစ်မှာ ဖြစ်ကြောင်း ကယ်တင်ခံရမယ့်သူတွေကို နဖူးမှာ မှတ်သားခြင်းက ဖော်ပြတယ်။
ယေဇကျေလ စိတ်အာရုံက ကျွန်တော်တို့ခေတ်အတွက် ဘာအဓိပ္ပာယ် ရှိသလဲ
၁၂၊ ၁၃။ (က) ဂျေရုဆလင်မြို့အပေါ် ယေဟောဝါ ဘာကြောင့် အမျက်တော် သွန်းလောင်းခဲ့သလဲ။ ကျွန်တော်တို့ခေတ်မှာ အလားတူ ဖြစ်မယ်လို့ ဘာကြောင့် မျှော်လင့်သင့်သလဲ။ (ခ) သစ္စာမဲ့တဲ့ ဂျေရုဆလင်မြို့ဟာ အမည်ခံခရစ်ယာန်ဘာသာကို ပုံဆောင်သလား။ ရှင်းပြပါ။ (“ဂျေရုဆလင်မြို့ဟာ အမည်ခံခရစ်ယာန် ဘာသာကို ပုံဆောင်သလား” လေးထောင့်ကွက်ကို ကြည့်ပါ။)
၁၂ “ဒီလောက တည်ချိန်ကနေ အခုထိ မဖြစ်ဖူးသေးတဲ့၊ နောင်လည်း ဖြစ်မှာမဟုတ်တဲ့ ကြီးစွာသောဒုက္ခ” ကို မကြာခင် ကျွန်တော်တို့ ရင်ဆိုင်ကြရတော့မယ်။ (မ. ) အဲဒီအချိန်ကို စောင့်မျှော်ရင်း မေးခွန်းတချို့ ပေါ်လာတယ်– ဖျက်ဆီးခြင်းဘေးဟာ ကြုံသလို မဟုတ်ဘဲ ရွေးချယ်စိစစ်ပြီး ဖြစ်မလား။ ယေဟောဝါကို စင်ကြယ်စွာ ဝတ်ပြုကိုးကွယ်သူတွေ ကယ်တင်ခြင်းအတွက် တစ်နည်းနည်းနဲ့ မှတ်သားခံရမလား။ ယေဇကျေလ စိတ်အာရုံပါ မင်အိုးချိတ်ထားသူနဲ့ပတ်သက်ပြီး မျက်မှောက်ခေတ် ပြည့်စုံချက် ရှိသလား။ အဖြေကတော့ ရွေးချယ်စိစစ်မယ်။ မှတ်သားခံရမယ်။ ပြည့်စုံချက် ရှိမယ်။ ဘာကြောင့် ဒီလိုကောက်ချက် ချနိုင်သလဲ။ အဖြေ သိဖို့ ယေဇကျေလ စိတ်အာရုံကို ပြန်ကြည့်ကြရအောင်။ ၂၄:၂၁
၁၃ ရှေးဂျေရုဆလင်မြို့အပေါ် ယေဟောဝါ အမျက်တော် သွန်းလောင်းရတဲ့ အကြောင်းရင်းကို မှတ်မိပါသလား။ ယေဇကျေလ ၉:၈၊ ၉ (ဖတ်ပါ။) မှာ ပြန်ကြည့်ပါ။ လာမယ့် ဖျက်ဆီးခြင်းဘေးဟာ “အစ္စရေးအကြွင်းအကျန်တွေ” ရဲ့ အဆုံး ဖြစ်မလားဆိုပြီး ယေဇကျေလ စိုးရိမ်တဲ့အခါ ယေဟောဝါက တရားစီရင်ရတဲ့ အကြောင်းရင်းလေးချက်ကို ဖော်ပြခဲ့တယ်။ ပထမ၊ အစ္စရေးလူမျိုးရဲ့ “အပြစ်” ဟာ “အင်မတန် ကြီးလေးတယ်။” * ဒုတိယ၊ ယုဒပြည်မှာ “သွေးချောင်းစီးနေတယ်။” တတိယ၊ ယုဒပြည်ရဲ့ မြို့တော် ဂျေရုဆလင်မှာ “အကျင့်ပျက်ခြစားမှုတွေ အပြည့်ပဲ။” စတုတ္ထ၊ လူတွေက သူတို့ရဲ့ အကျင့်ဆိုးတွေကို ယေဟောဝါ “မမြင်ပါဘူး” ဆိုပြီး ကိုယ့်ကိုယ်ကိုယ် လှည့်စားနေကြတယ်။ စဉ်းလဲဖောက်ပြန်တဲ့၊ အကြမ်းဖက်တဲ့၊ အကျင့်ပျက်တဲ့၊ သစ္စာမဲ့တဲ့ ဒီနေ့ လောကကိုလည်း ဒီအကြောင်းရင်းတွေကြောင့်ပဲ ယေဟောဝါ တရားစီရင်ပါလိမ့်မယ်။ “ပြောင်းလဲခြင်းမရှိ” တဲ့ ယေဟောဝါဟာ ယေဇကျေလခေတ်ကလိုပဲ ဖြောင့်မတ်တဲ့ အမျက်ဒေါသ ထွက်မှာ သေချာပါတယ်။ (ယာ. ၁:၁၇။ မာလ. ၃:၆) ဒါကြောင့် မျက်မှောက်ခေတ်မှာ မင်အိုးချိတ်ထားသူနဲ့ ရိုက်ခွဲစရာလက်နက် ကိုင်ထားတဲ့ လူခြောက်ယောက်အတွက် အလုပ်တာဝန် ရှိမယ်လို့ ယူဆနိုင်ပါတယ်။
ရိုက်ခွဲစရာလက်နက် ကိုင်ထားတဲ့ လူခြောက်ယောက်မှာ မကြာခင် လုပ်ဆောင်ရမယ့်တာဝန် ရှိ (စာပိုဒ် ၁၂၊ ၁၃ ကို ကြည့်ပါ)
၁၄၊ ၁၅။ ဖျက်ဆီးခြင်း မတိုင်ခင် လူတွေကို ယေဟောဝါ သတိပေးကြောင်း ဘယ်ဥပမာတွေက ဖော်ပြသလဲ။
၁၄ မျက်မှောက်ခေတ်မှာ ယေဇကျေလ စိတ်အာရုံ ဘယ်လို ပြည့်စုံနေသလဲ။ အတိတ်တုန်းက စိတ်အာရုံ ပြည့်စုံခဲ့ပုံကို ပြန်ကြည့်မယ်ဆိုရင် လက်ရှိနဲ့ အနာဂတ်မှာ ဖြစ်ပျက်လာမယ့်အရာတွေအကြောင်း သင်ယူနိုင်တယ်။ ယေဇကျေလ ပရောဖက်ပြုချက် ပြည့်စုံမှုတွေမှာ တွေ့မြင်ခဲ့တဲ့၊ တွေ့မြင်ရမယ့် အချက်တချို့ကို သုံးသပ်ကြည့်ပါ။
၁၅ ယေဟောဝါက ဖျက်ဆီးခြင်းမတိုင်ခင် လူတွေကို သတိပေးတယ်။ ဒီစာအုပ် အခန်း ၁၁ မှာ တွေ့ခဲ့တဲ့အတိုင်း ယေဟောဝါက ယေဇကျေလကို “အစ္စရေးအမျိုးအတွက် ကင်းစောင့်” အဖြစ် ခန့်ခဲ့တယ်။ (ယေဇ. ၃:၁၇-၁၉) ဖျက်ဆီးခြင်းဘေးအကြောင်း ဘီစီ ၆၁၃ ကစပြီး အစ္စရေးတွေကို ယေဇကျေလ ရှင်းရှင်းလင်းလင်း သတိပေးခဲ့တယ်။ ဟေရှာယ၊ ယေရမိ အပါအဝင် တခြားပရောဖက်တွေလည်း ဂျေရုဆလင်မြို့အပေါ် ကျရောက်တော့မယ့် ဘေးဆိုးအကြောင်း သတိပေးကြေညာခဲ့တယ်။ (ဟေရှာ. ၃၉:၆၊ ၇။ ယေ. ၂၅:၈၊ ၉၊ ၁၁) ဒီနေ့အချိန်မှာ ယေဟောဝါက ခရစ်တော်ကတစ်ဆင့် ဘိသိက်ခံကျေးကျွန်အုပ်စုလေးကို သုံးပြီး စင်ကြယ်တဲ့ ဝတ်ပြုကိုးကွယ်သူ အိမ်သူအိမ်သားတွေကို ကျွေးမွေးနေတယ်။ ဒါ့အပြင် အလျင်အမြန် ချဉ်းကပ်လာနေတဲ့ ကြီးစွာသောဒုက္ခအကြောင်း တခြားသူတွေကို သတိပေးနေတယ်။—မ. ၂၄:၄၅။
၁၆။ ယေဟောဝါရဲ့ ကျေးကျွန်တွေက အသက်ရှင်လွတ်မြောက်မယ့်သူတွေကို မှတ်သားသလား။ ရှင်းပြပါ။
မ. ၂၄:၁၄။ ၂၈:၁၈-၂၀) စင်ကြယ်တဲ့ ဝတ်ပြုကိုးကွယ်မှုမှာ ပါဝင်လာဖို့ စိတ်ရိုးဖြောင့်သူတွေကို ကူညီပေးခွင့် ရထားကြတယ်။—၁ တိ. ၄:၁၆။
၁၆ ကယ်တင်ခံရမယ့်သူတွေကို ယေဟောဝါရဲ့ ကျေးကျွန်တွေ မမှတ်သားပါဘူး။ ဂျေရုဆလင်မြို့တစ်လျှောက် ကိုယ်တိုင် သွားပြီး ကယ်တင်ခံရမယ့်သူတွေကို မှတ်သားဖို့ ယေဇကျေလ မိန့်မှာမခံရကြောင်း သတိပြုပါ။ အလားတူပါပဲ မျက်မှောက်ခေတ် ယေဟောဝါရဲ့ လူမျိုးဟာ ကယ်တင်ခံထိုက်သူတွေကို မှတ်သားဖို့ တာဝန်ပေးမခံရဘူး။ ခရစ်တော်ရဲ့ အိမ်သူအိမ်သားတွေအနေနဲ့ ဟောပြောဖို့ တာဝန်တော့ ပေးအပ်ခံထားရတယ်။ ဘုရားနိုင်ငံတော် သတင်းကောင်း ဟောပြောခြင်း၊ ဒီလောကစနစ်ဆိုးရဲ့ အဆုံး အလျင်အမြန် ချဉ်းကပ်လာနေကြောင်း ထက်ထက်သန်သန် သတိပေးခြင်းအားဖြင့် တာဝန်ကို အလေးအနက်ထားကြတယ်။ (၁၇။ အနာဂတ်မှာ မှတ်သားခံရဖို့ ယောက်တိုင်း အခု ဘာလုပ်ကြရမလဲ။
၁၇ ရောက်လာတော့မယ့် ဖျက်ဆီးခြင်းဘေးမှာ အသက်ရှင်လွတ်မြောက်ဖို့ ယောက်တိုင်းက ကိုယ့်ယုံကြည်ခြင်းကို အခု သက်သေထူရမယ်။ အစောပိုင်းမှာ လေ့လာခဲ့သလိုပဲ ဘီစီ ၆၀၇၊ ဂျေရုဆလင်မြို့ ပျက်စီးခြင်းဘေးကနေ အသက်ရှင်လွတ်မြောက်သူတွေဟာ ဆိုးညစ်မှုကို ငြင်းပယ်ကြောင်း၊ စင်ကြယ်တဲ့ ဝတ်ပြုကိုးကွယ်မှုမှာ သစ္စာရှိရှိ ပါဝင်ကြောင်း ဖျက်ဆီးခြင်းမတိုင်ခင် ပြခဲ့ကြတယ်။ ဒီနေ့လည်း အလားတူပါပဲ။ ဖျက်ဆီးခြင်းဘေး မတိုင်ခင်မှာ ဒီလောက ဆိုးညစ်မှုတွေကြောင့် ယောက်တိုင်း “သက်ပြင်းချ၊” “ညည်းတွား” ကြရမယ်။ ဝမ်းနည်းပူဆွေးကြရမယ်။ ကိုယ့်ခံစားချက်ကို ယေဇ. ၉:၄။ မ. ၂၅:၃၄-၄၀။ ဧ. ၄:၂၂-၂၄။ ၁ ပေ. ၃:၂၁) အခုအချိန်မှာ ဒီလိုလုပ်ဆောင်နေသူတွေ၊ စင်ကြယ်တဲ့ ဝတ်ပြုကိုးကွယ်သူတွေအဖြစ် ကြီးစွာသောဒုက္ခထဲ ဝင်ရောက်သူတွေပဲ မှတ်သားကယ်တင်ခံကြရမယ်။
ဖုံးကွယ်မထားဘဲ စင်ကြယ်တဲ့ ဝတ်ပြုကိုးကွယ်မှုမှာ သစ္စာရှိရှိ ပါဝင်ကြောင်း အပြောနဲ့ရော အလုပ်နဲ့ပါ ပြရမယ်။ ဘယ်လိုနည်းနဲ့လဲ။ ဟောပြောခြင်းလုပ်ငန်းကို လက်ခံတုံ့ပြန်ရမယ်။ ခရစ်ယာန်အရည်အသွေးတွေ ဆက်တင်ပြရမယ်။ ယေဟောဝါဆီ ဆက်ကပ်အပ်နှံတဲ့ အထိမ်းအမှတ်အဖြစ် နှစ်ခြင်းခံရမယ်။ ခရစ်တော်ရဲ့ ညီတွေကို သစ္စာရှိရှိ ကူညီထောက်မနေရမယ်။ (၁၈။ (က) ထိုက်တန်သူတွေကို ယေရှုခရစ် ဘယ်အချိန်မှာ ဘယ်လို မှတ်သားမလဲ။ (ခ) သစ္စာရှိ ဘိသိက်ခံတွေ မှတ်သားခံရဖို့ လိုသလား။ ရှင်းပြပါ။
၁၈ ထိုက်တန်သူတွေ မှတ်သားခြင်းကို ကောင်းကင်ဘုံကနေ လုပ်ဆောင်မယ်။ ယေဇကျေလခေတ်မှာ ကောင်းကင်တမန်တွေက ကယ်တင်ခံရမယ့် သစ္စာရှိသူတွေကို မှတ်သားဖို့ တာဝန်ရခဲ့တယ်။ မျက်မှောက်ခေတ် ပြည့်စုံမှုမှာ စာရေးတော်မင်ဘူး ချိတ်ထားသူဟာ လူမျိုးအားလုံးရဲ့ တရားသူကြီးအနေနဲ့ “ဘုန်းတန်ခိုးနဲ့ လာ” မယ့် ယေရှုခရစ်ကို ကိုယ်စားပြုတယ်။ (မ. ၂၅:၃၁-၃၃) မှားယွင်းတဲ့ ဘာသာရေးကို ဖျက်ဆီးပြီးနောက် ကြီးစွာသောဒုက္ခအတွင်း ယေရှု ကြွလာမယ်။ * အဲဒီအရေးကြီးတဲ့အချိန်၊ အာမဂေဒုန် မစခင်လေးမှာ ယေရှုက လူတွေကို သိုးနဲ့ ဆိတ်အဖြစ် တရားစီရင်မယ်။ “လူအုပ်ကြီး” ဟာ သိုးအဖြစ် စီရင်မှတ်သားခံရမယ်။ ဒါက “ထာဝရအသက် ရ” မယ်ဆိုတာကို ဖော်ပြတယ်။ (ဗျာ. ၇:၉-၁၄။ မ. ၂၅:၃၄-၄၀၊ ၄၆) သစ္စာရှိ ဘိသိက်ခံတွေကော။ အာမဂေဒုန်မှာ ကယ်တင်ခံရဖို့ မှတ်သားခံစရာ မလိုဘူး။ မသေဆုံးခင် ဒါမှမဟုတ် ကြီးစွာသောဒုက္ခ မစခင်မှာ နောက်ဆုံးတံဆိပ် ခတ်ခံရမယ်။ အာမဂေဒုန် မစခင် တစ်ချိန်ချိန်မှာ ကောင်းကင်ကို ခေါ်ဆောင်ခံရမယ်။—ဗျာ. ၇:၁-၃။
၁၉။ ဒီလောကစနစ်ကို တရားစီရင်တဲ့အခါ ယေရှုနဲ့အတူ ဘယ်သူတွေ ပါဝင်မလဲ။ (“သက်ပြင်းချခြင်း၊ ညည်းတွားခြင်း၊ မှတ်သားခြင်း၊ ရိုက်ခွဲခြင်း—ဘယ်အချိန်လဲ၊ ဘယ်လိုလဲ” လေးထောင့်ကွက်ကို ကြည့်ပါ။)
၁၉ ကောင်းကင်ဘုရင် ယေရှုခရစ်နဲ့ ကောင်းကင်စစ်တပ်က ဒီစနစ်ကို တရားစီရင်မယ်။ ယေဇကျေလ စိတ်အာရုံမှာ ချည်ထည် ဝတ်ဆင်ထားသူရဲ့ မှတ်သားခြင်းလုပ်ငန်း မပြီးမချင်း ရိုက်ခွဲစရာလက်နက် ကိုင်ထားတဲ့ လူခြောက်ယောက်က ဖျက်ဆီးခြင်းလုပ်ငန်း မစဘူး။ (ယေဇ. ၉:၄-၇) အလားတူ လာမယ့် ဖျက်ဆီးခြင်းဘေးဟာလည်း လူတွေကို သိုးနဲ့ ဆိတ်အဖြစ် ယေရှု မှတ်သားပြီးမှ စတင်မယ်။ အာမဂေဒုန်စစ်ပွဲအတွင်း ယေရှုက တွဲဖက်ဘုရင် ၁၄၄,၀၀၀ နဲ့ ကောင်းကင်တမန်တွေ ပါဝင်တဲ့ ကောင်းကင်စစ်တပ်ကို ဦးဆောင်ပြီး ဆိုးညစ်တဲ့ ဒီလောကကို ဖျက်ဆီးပစ်မယ်။ ဖြောင့်မတ်ခြင်း တည်နေရာ ကမ္ဘာသစ်ထဲ စင်ကြယ်တဲ့ ဝတ်ပြုကိုးကွယ်သူတွေကို ခေါ်ဆောင်သွားမယ်။—ဗျာ. ၁၆:၁၄-၁၆။ ၁၉:၁၁-၂၁။
၂၀။ စာရေးတော်မင်ဘူး ချိတ်ထားသူအကြောင်း ယေဇကျေလ စိတ်အာရုံကနေ နှစ်သိမ့်မှု ဖြစ်စေတဲ့ ဘာသင်ခန်းစာတွေ ရသလဲ။
၂၀ စာရေးတော်မင်ဘူး ချိတ်ထားသူအကြောင်း ယေဇကျေလ စိတ်အာရုံကနေ နှစ်သိမ့်မှု ဖြစ်စေတဲ့ သင်ခန်းစာတွေ လေ့လာရလို့ သိပ်ကျေးဇူးတင်ကြတယ်။ ဖြောင့်မတ်သူတွေကို ဆိုးညစ်သူတွေနဲ့အတူ ယေဟောဝါ သိမ်းရုံးဖျက်ဆီးမှာ မဟုတ်ကြောင်း အပြည့်အဝ ယုံကြည်စိတ်ချနိုင်ပါတယ်။ (ဆာ. ၉၇:၁၀) ကယ်တင်ခြင်းအတွက် အနာဂတ်မှာ မှတ်သားခံရဖို့ အခု ဘာလုပ်ရမယ်ဆိုတာ ကျွန်တော်တို့ သိကြတယ်။ ယေဟောဝါကို ဝတ်ပြုကိုးကွယ်သူတွေအနေနဲ့ ကျွန်တော်တို့က သတင်းကောင်း ကြေညာခြင်း၊ စာတန့်လောကရဲ့ ဆိုးညစ်မှုကြောင့် သက်ပြင်းချ၊ ညည်းတွားသူတွေကို သတိပေးခြင်းလုပ်ငန်းမှာ အတတ်နိုင်ဆုံး ပါဝင်ဖို့ စိတ်ပိုင်းဖြတ်ထားကြတယ်။ “ထာဝရအသက် ရဖို့ စိတ်ရင်းမှန်နဲ့ ကြိုးစားတဲ့သူတွေ” ကို စင်ကြယ်တဲ့ ဝတ်ပြုကိုးကွယ်မှုမှာ ကျွန်တော်တို့နဲ့အတူ ပါဝင်လာဖို့ ကူညီပေးခွင့် ရထားကြတယ်။ ဒီနည်းအားဖြင့် ဘုရားသခင့်ဖြောင့်မတ်ခြင်း တည်နေရာ ကမ္ဘာသစ်ထဲ အသက်ရှင်လွတ်မြောက်ဖို့ သူတို့ မှတ်သားခံရကြမယ်။—တ. ၁၃:၄၈။
^ အပိုဒ်၊ 1 ဗိမာန်တော်မှာ လုပ်နေတဲ့ ရွံစရာတွေအကြောင်း ယေဇကျေလ စိတ်အာရုံကို ဒီစာအုပ် အခန်း ၅ မှာ ဆွေးနွေးခဲ့တယ်။
^ အပိုဒ်၊ 13 ရည်ညွှန်းချက်တစ်ခုအရ “အပြစ်” လို့ ဘာသာပြန်ဆိုတဲ့ ဟီဘရူးနာမ်က “ဖောက်ပြန်မှု” ဆိုတဲ့ သဘောသက်ရောက်တယ်။ “ဘုရားရှေ့မှာ စာရိတ္တ ပျက်ပြားမှု၊ ဆိုးယုတ်မှုကို ဖော်ပြဖို့ အမြဲ အသုံးပြုတဲ့ ဘာသာရေးဝေါဟာရ” ဖြစ်တယ်လို့ ရည်ညွှန်းချက်နောက်တစ်ခုမှာ ဆိုထားတယ်။
^ အပိုဒ်၊ 18 မဟာဗာဗုလုန် ပျက်စီးခြင်းဟာ မှားယွင်းတဲ့ ဘာသာရေး အသင်းသားအားလုံး သေဆုံးခြင်းကို ဆိုလိုပုံမရဘူး။ အဲဒီအချိန်မှာ ဓမ္မဆရာတချို့တောင် မှားယွင်းတဲ့ ဘာသာရေးကို စွန့်ပြီး လုံးဝ မပတ်သက်ခဲ့ဖူးပါဘူးလို့ ပြောကြလိမ့်မယ်။—ဇာ. ၁၃:၃-၆။