KOTAK PARSIAJARAN 1B
Mananda Bukku Hesekiel
Bukku Hesekiel boi dibagi gabe:
BINDU 1 SAHAT TU 3
Taon 613 SM, tikki diboan tentara ni Babel si Hesekiel rap dohot halak Jahudi, mandapot parnidaan ma ibana sian Jahowa. Ditugasson ma ibana lao paboahon aha na lao masa tu halak Jahudi na tinggal di labbung ni Sunge Hebar.
BINDU 4 SAHAT TU 24
Mulai sian taon 613 sahat tu 609 SM, barita na dipaboa si Hesekiel, i ma barita panguhuman na lao masa tu Jerusalem dohot tu akka pendudukna na mangalo jala na manomba patung.
BINDU 25 SAHAT TU 32
Mulai sian taon 609 SM, tikki dikepung tentara ni Babel Jerusalem parpudi sahali, barita ni si Hesekiel dang be barita panguhuman tu Jerusalem. Alai panguhuman tu akka musu na di sakalilingna nama, i ma Halak Ammon, Edom, Mesir, Moab, Palistim, Sidon, dohot Tirus.
BINDU 33 SAHAT TU 48
Mulai sian taon 606 SM, dung hancur Jerusalem dohot bagas joro, si Hesekiel na tinggal marratus kilometer sian i, paboahon barita na denggan. Dipaboa ibana do na lao dipadenggan ibadat na sittong i.
Bukku Hesekiel disusun sesuai tu tikkina masa dohot akka topikna. Parjolo do dipaboa akka surirang taringot dihancurhon Jerusalem dohot bagas joro i. Dung i, disurat ma akka surirang na paboahon songon dia carana dipadenggan ibadat na sittong i. Masuk akkal do on, dung hancur bagas joro i dang adong be ibadat na sittong mardalan disi. Jadi dipaboa ma surirang taringot songon dia carana padenggatton i muse.
Barita panguhuman tu akka musu ni halak Jahudi (bindu 25 sahat tu 32) dipaboa dukkon barita panguhuman tu Jerusalem jala na parpudi barita taringot songon dia carana dipaulak ibadat na sittong i. Sahalak pakar mandok, “Cocok do barita panguhuman tu akka musu ni halak Jahudi i dipaboa andorang so dipatuduhon Jahowa asi ni rohana tu bangsona. Alana ikkon jolo dihukum do musu ni halak Jahudi asa boi dipalua Ibana naposona.”
