KOTAK KETERANGEN 1B
Nandai Buku Esekiel
Buku Esekiel banci ibagi jadi:
PASAL 1 SEH 3
Bas tahun 613 SM, Esekiel itaban i Babilon ras kalak Jahudi. Datna pengenehenen arah Jahwe, janah isuruh ia ernubuat man kalak Jahudi si tading i deher Lau Kebar.
PASAL 4 SEH 24
Mulai tahun 613 seh 609 SM, ikataken Esekiel maka ihukum me Jerusalem ras pendudukna si lalap mberontak ras nembah berhala. E me berita utama Esekiel.
PASAL 25 SEH 32
Mulai tahun 609 SM, i je me Jerusalem terakhir ikepung Babilon. Sanga si e, berita penghukumen si ipeseh Esekiel lanai man Jerusalem, tapi man musuh-musuh si lit i sekelilingna, eme bangsa Ammon, Edom, Mesir, Moap, Pilisti, Sidon, ras Tirus.
PASAL 33 SEH 48
Mulai 606 SM, peseh Esekiel arapen si luar biasa eme lit pagi masana kerina kalak mulihi nembah Jahwe saja. Sanga si e, ingan tading Esekiel lit ratusen kilometer dauhna arah Jerusalem ras rumah pertoton si enggo hancur.
Buku Esekiel itulis menurut kejadin si leben terjadi ras kai topikna. Leben itulis kerna nubuat Jerusalem ihancurken ras rumah pertoton si lit i je asangken nubuat kerna lit pagi masana kerina kalak nembah Jahwe saja. Enda masuk akal perban kenca lanai banci sembah kalak Jahwe bas rumah pertoton, e maka perlu nubuat si ngataken lit pagi masana kerina kalak mulihi nembah Jahwe.
Selain si e, nubuat Esekiel kerna musuh-musuh kalak Jahudi (pasal 25 seh 32) itulis i antara berita penghukumen man Jerusalem ras nubuat si ngataken lit pagi masana kerina kalak nembah Jahwe saja. Nina sekalak pakar, “Tepat kel uruten penulisen kerna berita penghukumen man bangsa-bangsa si deban ndai. Sebap adi hukum Dibata musuh-musuh kalak Jahudi, e buktina mekuah ate Dibata man umatNa.”
