REIKUAAVE HAG̃UA 1B
Mbaʼe rehepa oñeñeʼẽ lívro de Ezequiélpe
Pe lívro de Ezequiel ningo ikatu ojedividi péicha:
KAPÍTULO 1 GUIVE 3 PEVE
Áño 613-pe a.C. Ezequiel oĩ vaʼekue prisionéroramo umi ótro judíondi Babilóniape. Upépe Jehová ohechauka Ezequiélpe heta visión ha oiporavo chupe oprofetisa hag̃ua umi judío oikóvape pe rrío Kebar ypýpe.
KAPÍTULO 4 GUIVE 24 PEVE
Éntre pe áño 613 a.C. ha 609 a.C., Ezequiel heʼi heta profesía omombeʼúva oñekondenaha Jerusalénpe ha pe puévlo irrevéldevape oadoráva umi dios fálso.
KAPÍTULO 25 GUIVE 32 PEVE
Pe áño 609 a.C. guive, pe última ves Babilonia omongorárõ guare Jerusalén, Ezequiel omombeʼu umi profesía heʼíva ojehusgataha umi nasión haʼéva Jerusalén enemígo ha oĩva ijerére: Ammón, Edom, Egipto, Moab, Filistea, Sidón ha Tiro.
KAPÍTULO 33 GUIVE 48 PEVE
Pe áño 606-pe a.C., Jerusalén ha itémplo hoʼapa gueteri vaʼekue upe tiémpope ha mombyryeterei oĩ Ezequiel oĩhágui. Upéicharõ jepe, haʼe omombeʼu peteĩ mensáhe iporãitereíva omeʼẽva esperánsa: Ojeadora jeytaha Jehovápe añoiténte.
Ikatu jaʼe pe lívro de Ezequiel ojeskrivi hague en órden, asegún pe tiémpo ha asegún upe oiko vaʼekue. Umi profesía heʼíva Jerusalén ha itémplo oñehunditaha ojeprofetisa oñemombeʼu mboyve ojeadora jeytaha Jehovápe añoiténte. Ha upéva oĩ porã, pórke ojeʼe ojeadora jeytaha Jehovápe ojeʼe rire ae opataha pe adorasión oñemeʼẽva pe témplope.
Avei Ezequiel oprofetisa vaʼekue Jerusalén enemigokuéra kóntrape, umíva hína umi nasión oĩva ijerére (kapítulo 25 guive 32 peve). Koʼã mbaʼe oñemombeʼu ojeprofetisa riréma ojehusgataha Jerusalénpe, ha ojeprofetisa mboyve ojeadora jeytaha Jehovápe. Peteĩ expérto imanduʼávo Ezequiel heʼívare ojehusgataha umi nasiónpe, heʼi: “Umi profesía oĩ porãiterei la opyta mbytépe, éntre pe mensáhe heʼíva Ñandejára ipochyha ipuévlondi ha pe heʼíva oiporiahuverekotaha chupekuéra, pórke haʼe okastigámante vaʼerã umi enemígope olivera hag̃ua ipuévlope”.
