SANDUK MAR 1B
Weche Mayudore e Bug Ezekiel
Bug Ezekiel inyalo pog kama:
SULA 1 NYAKA 3
E higa mar 613 K.K.P., kinde ma Ezekiel nodak gi Jo-Yahudi ma ne oter e tuech e piny Babulon, noneno fweny moa kuom Jehova kendo nomiye tich mar koro weche ne Jo-Yahudi ma nodak but aora Kebar.
SULA 4 NYAKA 24
E kind higa mar 613 kod 609 K.K.P., Ezekiel koro weche moting’o kum ne joma odak Jerusalem ma ne ong’anyo kendo lamo nyiseche manono.
SULA 25 NYAKA 32
Chakre higa mar 609 K.K.P., ma en e higa mogik ma Jo-Babulon nolworo Jerusalem, Ezekiel chako koro weche mag kum ne pinje ma ne olworo Israel ma gin Amon, Edom, Misri, Moab, Filistia, Sidon, kod Turo.
SULA 33 NYAKA 48
Chakre higa mar 606 K.K.P., Ezekiel wuoyo e wi ote ma miyo ji bedo gi geno, tiende ni, kaka ne idhi duok lamo madier. Jerusalem ma ne ni mabor ahinya koro ne osekethi kaachiel gi ohinga duto ma nolwore.
Omiyo, bug Ezekiel ochan kaluwore gi kaka gik moko ne otimore kendo kaluwore gi wach miwuoyoe. Weche ma nokor e wi kethruok mar Jerusalem kaachiel gi ohinga ma nolwore kwongo ne weche mathoth ma nokor e wi duoko lamo madier. Mano winjore maler nikech weche ma nokor e wi duoko lamo madier nyiso ni kare nitie kinde ma ji ne ok lem e hekalu.
Bende, weche ma ne Ezekiel okoro e wi pinje ma nolworo Israel (sula 25 nyaka 32) yudore e kind weche ma nokor e wi kaka ne idhi kum Jerusalem, gi ma ne wuoyo e wi kaka ne idhi duok lamo madier. Jasomo moro nowacho kama e wi weche mag kum ma Ezekiel nokoro: “Weche ma nokorgo otudore maber nikech giwuoyo e wi kum mag Nyasaye kae to ginyiso kaka Nyasaye ne dhi kecho joge; mano en nikech kum ma ne idhi kumgo jowasikgi bende en achiel kuom gik ma nyiso kaka Jehova ne dhi reso joge.”
