Di Bibel hata Heber nava, diterjemahon gabe “manurirangi”. Hata on lapatanna paboahon barita, panguhuman, ajaran, manang paretta na sian Debata. Boi do muse lapatanna pasahatton hata ni Debata taringot na lao masa. Sudena on adong do di surirang ni si Hesekiel.​—Hes. 3:10, 11; 11:4-8; 14:6, 7; 37:9, 10; 38:1-4.

• PARNIDAAN

• TUDOSAN

• PERAGAAN

Bukku ni si Hesekiel marisi parnidaan, tudosan, cerita, dohot peragaan. Sudena i paboahon surirang.

Piga-piga surirang ni si Hesekiel i dang holan sahali saut. Umpamana, surirang taringot songon dia ibadat na sittong i dipadenggan saut tikki naposo ni Debata mulak tu Luat na Dijanjihon i. Alai songon na dibahas di pasal 9 di bukku on, godang do sian surirang i saut di tikkinta saonari dohot di ari na naeng ro.

Najolo hea do taanggap piga-piga hatorangan na di surirang ni si Hesekiel i marisi gambaran na adong persamaanna tu ari na naeng ro. Alai bukku on dang lao paboahon persamaan taringot halak, barang, inganan, manang akka na masa na di surirang i, kecuali molo Bibel i sandiri na paboahon. * Jadi bukku on paboahon, songon dia akka surirang ni si Hesekiel masa tu godang halak di ari na naeng ro. Marhite bukku on, diurupi ma hita mandapot parsiajaran sian barita, akka halak, inganan, dohot akka na masa na dipaboa si Hesekiel.