Bas Pustaka, kata Heber nava iterjemahken jadi “ernubuat.” Erti utama kata e eme mpeseh berita, penghakimen, ajaren, ntah pe perentah, si rehna arah Dibata nari. Kata e pe banci ertina mpeseh kata-kata arah Dibata kerna kai si nandangi terjadi. Kerina e lit i bas nubuat Esekiel.​—Esek. 3:10, 11; 11:4-8; 14:6, 7; 37:9, 10; 38:1-4.

• PENGENEHENEN

• PERUMPAMAN

• ICONTOHKEN

Bas buku Esekiel lit pengenehenen, perumpaman, cerita, ras nubuat-nubuat si icontohken.

Piga-piga nubuat Esekiel terjadi labo sekali ngenca, tapi lit piga-piga kali. Misalna nubuat kerna lit pagi masana mulihi sembah kalak Jahwe, nubuat e terjadi sanga umatNa mulih ku Negri si Ijanjiken. Tapi bagi si ibahas kari bas Pasal 9 buku enda, mbue ka arah nubuat e si terjadi bas jamanta gundari bage pe bas masa depan.

Mbarenda, piga-piga si iceritaken bas nubuat Esekiel siakap lit gambarenna ras padanenna. Tapi adi la lit dasarna si jelas arah Pustaka, labo ikataken buku enda maka lit gambarenna ntah pe padanenna sanga ceritakenna kerna jelma, benda, ntah pe kejadin tertentu. * Tapi buku enda njelasken uga nubuat-nubuat Esekiel terjadi si pengaruhna ndauh belinen. Bas buku enda banci ka sidat pelajaren arah berita, jelma, ingan, ras kejadin si ikataken Esekiel.