Siyaqiniseka bona uHezekiyeli wabona iinthombe ezibaziweko ezikulu zeenkunzi ezinamaphiko, zamabhubezi aneenhloko zabantu zijame njengabonogada eenrhodlweni nemathempelini. Iinthombe ezibaziwekwezo bezifumaneka kiyo yoke i-Asiriya neBhabhiloni yakade. Njengabo boke ababukeleko, kungenzeka naye bekaziqalile iimbunjwa ezithusakwezi ezinye zazo zizide amamitha asithandathu. Nanyana iimbunjwezi bezibonakala zinamandla, bezingaphili, bezenziwe ngelitje.

Ngokuhlukileko iimbunjwa ezabonwa nguHezekiyeli embonweni “bekuzimbunjwa eziphilako.” Mkhulu umehluko lapho! Ukwazi lokho kwamthinta khulu uHezekiyeli kangangokuthi watjho amezwi athi “iimbunjwa eziphilako” iinkhathi ezili-11 esingenisweni sesiphorofido sakhe. (Hez. 1:5-22 ) Ukubona umbono weembunjwa ezine eziphilako zikhamba kanyekanye ngaphasi kwesihlalo sobukhosi sakaZimu, kufuze bona kwamkara khulu uHezekiyeli kangangokuthi wabona indlela uJehova anelawulo kiyo yoke indalwakhe. Namhlanjesi umbono ofanako ubuveza ngokukhanyako ubukhulu namandla kaJehova, namandla wobukhosi bakhe. —1 Kron. 29:11.