KAN 1919, nautob an duwang magkakonektar na propesiya: an mapadapit sa “mga alang na tulang” asin sa “duwang saksi.” Ihinula sa bisyon manungod sa “mga alang na tulang” an sarong halawigon na peryodo nin panahon (na uminabot nin dakul na siglo) na matatapos sa pagkabuhay kan sarong dakulang grupo nin mga lingkod nin Diyos. (Ezek. 37:2-4; Kap. 11:1-3, 7-13) An propesiya manungod sa “duwang saksi” naglaladawan sa sarong halipot na peryodo nin panahon (na nautob kan pagtatapos kan 1914 sagkod sa pagpupuon kan 1919) na matatapos sa pagkabuhay kan sarong sadit na grupo nin mga lingkod nin Diyos. An duwang propesiyang iyan parehong naglaladawan sa simbolikong pagkabuhay liwat, asin pareho iyan na may kautuban sa presenteng panahon kan 1919 kan ‘patindugon’ ni Jehova an saiyang linahidan na mga lingkod, patalingkason sa pagigin bihag kan Dakulang Babilonya, asin tipunon sinda kaiba kan ibinalik na kongregasyon.—Ezek. 37:10.

Pero, mangnuhon na may sarong mahalagang pagkakalain sa kautuban kan duwang propesiyang ini. An propesiya manungod sa “mga alang na tulang” nanunungod sa pagkabuhay kan gabos na miyembro kan linahidan na mga natatada. Alagad, an propesiya manungod sa “duwang saksi” nanunungod sa pagkabuhay kan nagkapirang miyembro kan linahidan nin Diyos na mga natatada—an mga nanginginot sa organisasyon asin ninombrahan bilang “maimbod asin mapagmansay na uripon.”—Mat. 24:45; Kap. 11:6. *

1. PAGKATAPOS KAN 100 C.E.

   Puon kan ikaduwang siglo C.E. kan an linahidan na Kristiyanong kongregasyon ginadan sa simbolikong paagi, an “kapatagan sa kababan” napano nin “mga tulang”

2. PAGPUPUON KAN 1919

   1919: Nabuhay an “mga alang na tulang” kan pangyarihon ni Jehova na makaluwas sa Dakulang Babilonya an gabos na linahidan asin matipon kaiba kan ibinalik na kongregasyon

1. PAGTATAPOS KAN 1914

   naghuhulit “na nakasulot nin telang sako”

   1914: An “duwang saksi” naghulit “na nakasulot nin telang sako” sa laog nin tulo may kabangang taon. Pagkatapos kaiyan, ginadan sinda sa simbolikong paagi

2. simbolikong pagkagadan

3. PAGPUPUON KAN 1919

   1919: Nabuhay an “duwang saksi” kan an sadit na grupo nin linahidan na mga tugang na nanginginot sa organisasyon nombrahan na maglingkod bilang “maimbod asin mapagmansay na uripon”