BAS tahun 1919, lit dua nubuat si terjadi janah duana nubuat e lit hubungenna. Nubuat si pertama kerna “tulan-tulan si kerah” janah si peduaken kerna ‘dua saksi.’ Nubuat si pertama maksudna sada masa si seh kel dekahna (ratusen tahun dekahna), janah masa e dung sanga enterem kel umat Dibata si ipegeluh mulihi. (Esek. 37:2-4; Ket. 11:1-3, 7-13) Nubuat si peduaken maksudna sada masa si ntisik ngenca (arah akhir tahun 1914 seh ku awal tahun 1919) janah masa e dung sanga kelompok si kitik arah umat Dibata ipegeluh mulihi. Duana nubuat enda terjadi bas tahun 1919 sanga iban Jahwe “tedis” umatNa si ipilih ku surga, maksudna lanai kalak e itaban Babilon si Mbelin, janah kalak e ipepulung bas runggun si enggo bersih.​—Esek. 37:10.

Tapi duana nubuat e lit bedana janah perbedanna e penting. Nubuat kerna “tulan-tulan si kerah” maksudna kerina kalak si ipilih ku surga si lit denga i doni ipegeluh mulihi. Tapi nubuat kerna ‘dua saksi’ maksudna piga-piga kalak ngenca arah kalak si ipegeluh ndai si ilantik jadi “budak si setia ras pentar” guna minpin bas organisasi Dibata si lit i doni.​—Mat. 24:45; Ket. 11:6. *

1. KENCA 100 M

   Mulai abad si peduaken: Kerina kalak Kristen si ipilih ku surga tempa-tempa ibunuh, emaka “dem tulan-tulan bas lembah e”

2. AWAL 1919

   1919: “Tulan-tulan si kerah” e ipegeluh mulihi sanga kerina kalak Kristen si ipilih ku surga ibebasken Jahwe arah Babilon si Mbelin. Kenca si e, kalak e ipepulung bas runggun Kristen si enggo bersih.

1. AKHIR 1914

   erberita janah “make kain guni”

   1914: Telu setengah tahun dekahna ‘dua saksi’ erberita “make kain guni,” kenca si e kalak e ibunuh

2. tempa-tempa mate

3. AWAL 1919

   1919: ‘Dua saksi’ e ipegeluh mulihi sanga sada kelompok si kitik arah kalak si ipilih ku surga si minpin bas organisasi ilantik jadi “budak si setia ras pentar”