NIADTONG 1919, natuman ang duha ka konektadong tagna: ang usa bahin sa “uga nga mga bukog,” ug ang usa pa bahin sa “duha ka saksi.” Ang panan-awon bahin sa “uga nga mga bukog” nagtagna sa taas kaayong yugto sa panahon (nga miabot ug daghang siglo) nga natapos dihang nabuhi ang usa ka dakong grupo sa katawhan sa Diyos. (Ezeq. 37:2-4; Pin. 11:1-3, 7-13) Ang tagna bahin sa “duha ka saksi” nagtumong sa mubo lang nga panahon (natuman sugod sa hinapos nga bahin sa 1914 ngadto sa sayong bahin sa 1919) nga natapos dihang nabuhi ang usa ka gamayng grupo sa mga alagad sa Diyos. Kining duha ka tagna nagkahulogan ug simbolikong pagkabanhaw, ug kini parehong dunay modernong katumanan niadtong 1919 dihang si Jehova ‘nagpatindog’ sa iyang dinihogang mga alagad, nagpagawas kanila sa pagkabihag sa Bantogang Babilonya, ug nagtigom kanila sa napasig-uling kongregasyon.​—Ezeq. 37:10.

Pero matikdi ang dakong kalainan sa katumanan niining duha ka tagna. Ang tagna sa “uga nga mga bukog” nagtumong sa pagkabuhi sa tanang membro sa dinihogang nanghibilin. Pero ang tagna sa “duha ka saksi” nagtumong sa pagkabuhi sa pipila lang ka membro sa dinihogang nanghibilin sa Diyos​—kadtong nanguna kaniadto sa organisasyon ug natudlo ingong “matinumanon ug maalamong ulipon.”​—Mat. 24:45; Pin. 11:6. *

1. HUMAN SA 100 C.E.

   Sukad sa ikaduhang siglo C.E. padayon dihang ang dinihogan nga Kristohanong kongregasyon gipatay sa simbolikong paagi, ang “patag” napunog “mga bukog”

2. SAYONG BAHIN SA 1919

   1919: Ang “uga nga mga bukog” nabuhi dihang gipahinabo ni Jehova nga ang tanang dinihogan mobiya sa Bantogang Babilonya ug matigom diha sa napasig-uling kongregasyon

1. HINAPOS NGA BAHIN SA 1914

   pagsangyaw nga nagsul-ob ug “sakong panapton”

   1914: Ang “duha ka saksi” nagsangyaw nga nagsul-ob ug “sakong panapton” sulod sa tulo ka tuig ug tunga. Sa kataposan sa maong yugto, sila gipatay sa simbolikong paagi

2. simbolikong kamatayon

3. SAYONG BAHIN SA 1919

   1919: Ang “duha ka saksi” nabuhi dihang ang gamayng grupo sa dinihogang mga brader nga nanguna sa organisasyon gitudlo nga mag-alagad ingong “matinumanon ug maalamong ulipon”