Kuji bungauzhi bubiji bwafikile mu mwaka wa 1919. Bungauzhi bwa “bikupa byauma” ne bungauzhi bwa ‘bakamonyi babiji.’ Kimwesho kya bikupa byauma kyaambilenga pa kimye kyabaya bingi, (papichile bitota bya myaka byavula bingi), kino kimye kyapwile kimye bantu ba Lesa kyo baikele na bumi jibiji mu bukifwanyikizho. (Ezi. 37:2-4; Lum. 11:1-3, 7-13) Pa kuba bungauzhi bwaamba pa ‘bakamonyi babiji’ bwaambatu pa kimye kicheche, (kutendeka na ku mpelo ya mwaka wa 1914 kufika ku ntendekelo ya mwaka wa 1919), kino kimye kyapwile kajibumba kacheche ka bashingwa byo kaikele na bumi jibiji mu bukifwanyikizho. Buno bungauzhi bonse bwaamba pa kusangulwa mu bukifwanyikizho, kabiji bwafikile mu 1919 kimye bashingwa ‘kyo baimene’ ne kufuma mu buzha mu Babilona Mukatampe, ne kwibakonkaya mu kipwilo kyo abwezhezhe.—Ezi. 37:10.

Nangwa byonkabyo, buno bungauzhi bubiji bwafikile mu mashinda apusana. Bungauzhi bwa “bikupa byauma” bwaambilenga pa kwikala na bumi jibiji kwa bashingwa bonse. Pa kuba bungauzhi bwa ‘bakamonyi babiji’ bwaambilengatu pa kwikala na bumi jibiji kwa bashingwa ba Lesa bachechetu, bajinga na mwingilo wa kutangijila mu jibumba ja Lesa, bo batongwele kwikala “kalume wa kishinka kabiji wa maana.”—Mat. 24:45; Lum. 11:6. *

1. PANYUMA YA MWAKA WA 100 C.E.

   Kutendeka mu myaka kitota kya bubiji kuya ne kulutwe, kyo kimye kipwilo kya bena Kilishitu bashingwa mo kyafwile, mu bukifwanyikizho kyajingatu nobe “musanza mwayujile bikupa”

2. KU NTENDEKELO YA MWAKA WA 1919

   Mu 1919: “Bikupa Byauma” byaikele ke bantu bomi kimye Yehoba kyo afuminye bashingwa mu Babilona Mukatampe ne kwibakonkanya mu kipwilo kyo abwezhezhe

1. KU MPELO YA MWAKA WA 1914

   basapwijilenga saka benyinga “bisapi bya majila”

   Mu 1914: ‘Bakamonyi babiji’ basapwijilenga mu “bisapi bya majila” pa myaka isatu ne kichika. Ino myaka byo yapwile, bebepayile mu bukifwanyikizho

2. bafwile mu bukifwanyikizho

3. KU NTENDEKELO YA MWAKA WA 1919

   Mu 1919: “Bakamonyi babiji” basangwilwe ne kwikala bomi kimye kajibumba kacheche ka bashingwa kyo katongwelwe kwikala “kalume wakishinka kabiji wa maana” ne kutendeka kutangijila mu jibumba ja Lesa