UPOLOFWETO wakuvuluka “vifuwa vyaumu” ‘navinjiho vavali’ wateselemo mumwaka wa 1919. Chakumwenesa ‘chavifuwa vyaumu’ chenyikilileko tando yayisuku yize yejile nakukuma omu lizavu lyalinene lyavatu jaKalunga vayoyele cheka. (Ezeke. 37:2-4; Kuso. 11:1-3, 7-13) Upolofweto wakuvuluka ‘vinjiho vavali’ wasolola tando yayindende (kufuma mu 1914 nakuheta kumaputukilo amwaka wa 1919) yize yejile nakukuma omu lizavu lyalindende lyavangamba jaKalunga vayoyele. Upolofweto wosena uvali wahanjika hakusanguka chachifwanyisa, kaha wosena wateselemo mu 1919 omu Yehova alingishile vangamba jenyi vakuwavisa ‘vemane’ cheka nakufuma muMbavilone Yayinene nakuvakungulwila muchikungulwilo chenyi.—Ezeke. 37:10.

Nyingililenu ngwenu kutesamo chaupolofweto wosenou uvali chalihandununa. Upolofweto wakuvuluka “vifuwa vyaumu” wenyikilileko omu vasalaho vawavisa vosena vayoyele cheka. Oloze upolofweto wakuvuluka ‘vinjiho vavali’ wenyikilileko omu vasalaho vawavisa vamwe vayoyele cheka. Ava vasalaho vakiko vatwaminyinyine liuka, kaha vavatongwele kupwa “ndungo wakushishika wakuzangama.”—Mateu 24:45; Kuso. 11:6. *

1. HANYIMA YA 100 C.E.

   Kufuma mulikulukaji lyamyaka lyamuchivali C.E. namyaka yakavangijileho omu chikungulwilo chavaka-Kulishitu vawavisa vachinongesele mujila yachifwanyisa, chafwanyine nge “muchinema” mwazalile ‘navifuwa’

2. KUKUPUTUKA CHAMWAKA WA 1919

   1919: Vize “vifuwa vyaumu” vyayoyele cheka omu Yehova alingishile vaka-Kulishitu vawavisa vosena vafume muMbavilone Yayinene nakuvakungulwila muchikungulwilo chenyi

1. KUSONGO YAMWAKA WA 1914

   kwambulula “oku vanavwale vikeleyi”

   1914: Ava ‘vinjiho vavali’ vambulwile mujimbu “oku vanavwale vikeleyi” hamyaka yitatu nachimbwa. Omu yakumine myaka kana vavajihile mujila yachifwanyisa

2. kufwa mujila yachifwanyisa

3. KUKUPUTUKA CHAMWAKA WA 1919

   1919: ‘Vinjiho vavali’ vayoyele cheka omu lizavu lyalindende lyavandumbwetu vamalunga vakuwavisa vaze vapwile nakutwaminyina liuka vavatongwele jino kupwa “ndungo wakushishika wakuzangama”