NA NGU 1919, aprophétie use so ague oko aga tâ tënë: mbeni ayeke prophétie ti “abio so ahule awe” na mbeni asara tënë ti ‘atémoin use’. Vision ti “abio so ahule awe” asara tënë ti mbeni ngoi so aninga mingi (so ague ngbii aga angu ngbango mingi) so ahunzi na ngoi so mbeni kota groupe ti awakua ti Nzapa akiri na fini (Ézéch. 37:2-4; Apoc. 11:1-3, 7-13). Prophétie ti ‘atémoin use’ afa mbeni nduru ngoi (so alondo na hunzingo ti ngu 1914 ti si na tongo nda ti ngu 1919) so ahunzi na ngoi so mbeni kete groupe ti awakua ti Nzapa akiri na fini. Aprophétie so use kue asara lani tënë ti mbeni zingongo na kuâ na lege ti fä, nga aprophétie so aga tâ tënë na ngoi ti e na ngu 1919 na ngoi so Jéhovah asara si awakua ti lo so lo soro ala ti gue na yayu ‘aluti na nduzu,’ ala sigi na gbe ti Babylone, Ngangu gbata, na a bungbi ala na yâ ti congrégation so a kiri a leke ni.​—Ézéch. 37:10.

Me bâ so aprophétie use so aga tâ tënë nde nde na mbeni fason so ayeke kota mingi. Prophétie ti “abio so ahule awe” asara kozo awe tënë ti kiringo na fini ti amembre kue ti tanga ti aChrétien so a soro ala ti gue na yayu. Ye oko, prophétie ti ‘atémoin use’ asara kozo awe tënë ti kiringo na fini ti ambeni membre ti tanga ti azo ti Nzapa so a soro ala ti gue na yayu: ala so ayeke mû li ni lani na yâ ti bungbi ti Jéhovah na so a zia ala “ngbâa be-ta-zo so ayeke sara ye na ndara”.—Mat. 24:45; Apoc. 11:6. *

1. NA PEKO TI NGU 100

   Ti londo na ngu 100 ti ga na ni na ngoi so, na lege ti fä, a fâ congrégation ti aChrétien so a soro ala ti gue na yayu, “mbeni popo-hoto” asi na “abio”

2. TONGO NDA TI NGU 1919

   1919: “Abio so ahule awe” akiri na fini na ngoi so Jéhovah asara si aChrétien kue so a soro ala ti gue na yayu asigi na gbe ti Babylone, Ngangu gbata, na a bungbi ala na yâ ti congrégation so a kiri a leke ni

1. NA HUNZINGO TI NGU 1914

   yungo “bongo ti vundu” ti fa na tënë

   Ngu 1914: ‘Atémoin use’ ayü “bongo ti vundu” na ngoi so ala yeke fa tënë na yâ ti ngu ota na ndambo. Na hunzingo ti ngoi ni so, a fâ ala na lege ti fä

2. kuâ na lege ti fä

3. TONGO NDA TI NGU 1919

   Ngu 1919: ‘Atémoin use’ akiri na fini na ngoi so mbeni kete groupe ti aita so a soro ala ti gue na yayu ayeke mû li ni lani na yâ ti bungbi ti Jéhovah, na a zia ala ti sara kua tongana “ngbâa be-ta-zo so ayeke sara ye na ndara”