Ngemnyaka wa-1919 kwagcwaliseka tiphrofetho letimbili letihlobene futsi letihambisanako letimayelana ‘nematsambo lomile’ kanye ‘nabofakazi lababili.’ Lombono ‘wematsambo lomile’ ubiketela sikhatsi lesidze (lesaba ngemakhulu lamanyenti eminyaka) lesiphela nakucala kuphila licembu lelikhulu lebantfu baNkulunkulu. (Hez. 37:2-4 Semb. 11:1-3, 7-13) Siphrofetho lesimayelana ‘nabofakazi lababili,’ sichaza sikhatsi lesifishane (sagcwaliseka ngasekupheleni kwa-1914 kwaze kwaba sekucaleni kwa-1919) lesiphela ngekutsi licembu lelincane letinceku taNkulunkulu libuyele ekuphileni. Totimbili letiphrofetho betikhombisa kuvuswa lokungekwemfanekiso, futsi totimbili tagcwaliseka nga-1919 ngesikhatsi Jehova enta kutsi tinceku takhe letigcotjiwe ‘time ngetinyawo’ futsi tishiye kutfunjwa yiBhabhulona Lenkhulu, bese tibutsana ndzawonye ebandleni lelibuyiselwe.—Hez. 37:10.

Kodvwa naka kutsi kugcwaliseka kwaletiphrofetho letimbili kuhluke ngendlela lebalulekile. Siphrofetho lesimayelana ‘nematsambo lomile’ sibiketela kutsi onkhe emalunga alabasele kumaKhristu lagcotjiwe abetawuphindze aphile. Nanobe kunjalo, siphrofetho lesimayelana ‘nabofakazi lababili’ sona sibiketela ngekuphila kwalamanye emalunga alabasele kumaKhristu lagcotjiwe, lokungulabo lebebahola enhlanganweni futsi lababekwa kutsi babe “sisebenti lesetsembekile nalesihlakaniphile.”—Mat. 24:45; Semb. 11:6. *

1. NGEMUVA KWA-100 C.E.

   Kusukela ngelikhulu lesibili C.E. kuchubeke ngesikhatsi libandla lemaKhristu lagcotjiwe libulawa ngekwemfanekiso, ‘sihosha’ sagcwala “ematsambo”

2. NAKUCALA 1919

   1919: “Ematsambo lomile” aphindze aphila ngesikhatsi Jehova enta kutsi bonkhe labagcotjiwe bashiye iBhabhulona Lenkhulu futsi bahlangane ndzawonye ebandleni lelibuyiselwe

1. NASEKUYOPHELA 1914

   kushumayela bembetse “tindvwangu temasaka”

   1914: ‘Bofakazi lababili’ bebashumayela bembetse “tindvwangu temasaka” iminyaka lemitsatfu nehhafu. Kwatsi nasekuyophela leso sikhatsi, babulawa ngekwemfanekiso

2. kufa lokungekwemfanekiso

3. NAKUCALA 1919

   1919: ‘Bofakazi lababili’ baphindze baphila ngesikhatsi licembu lelincane lebazalwane labagcotjiwe lebebahola enhlanganweni, libekwa kutsi libe “sisebenti lesetsembekile nalesihlakaniphile”