કોઈ વાર આપણી જિંદગીની સફરમાં ઘણાં દબાણ ને કસોટીઓ આવી પડે. આપણને થાય કે હવે આગળ નહિ વધાય. એ સમયે શું મદદ કરી શકે? હાડકાં જીવતાં થવા વિશેનું હઝકિયેલનું આ જોરદાર દર્શન! એ કઈ રીતે મદદ કરે છે? એ દર્શન બતાવે છે કે યહોવા તો સુકાઈ ગયેલાં હાડકાંને પણ જીવતાં કરી શકે છે. તો પછી શું તે આપણા પર આવતી મુસીબતોમાં ટકી રહેવા મદદ ન કરી શકે? ચોક્કસ કરી શકે છે. તેમની આગળ પહાડ જેવી આપણી તકલીફો ધૂળના એક કણ જેવી છે!​—ગીતશાસ્ત્ર ૧૮:૨૯ વાંચો; ફિલિ. ૪:૧૩.

હઝકિયેલના જમાનાથી સદીઓ પહેલાં મૂસાએ એક વિચારવા જેવી વાત કીધી હતી. યહોવા પાસે પોતાના લોકોને બચાવવાની ભરપૂર તાકાત છે. એમ કરવા તેમનું દિલ તરસે છે. મૂસાએ લખ્યું હતું: “જૂના જમાનાથી ઈશ્વર તારો આશરો છે, તેમના હાથ કાયમ તને ઊંચકી રાખે છે.” (પુન. ૩૩:૨૭) આપણાં જીવનમાં મુસીબતોનું તોફાન આવે ત્યારે શું? આપણે યહોવા પાસે દોડી જઈએ. તે આપણી તરફ હાથ લંબાવશે. તે પ્રેમથી આપણને સહારો આપશે, જેથી આપણે પોતાના પગ પર ઊભા થઈ શકીએ.—હઝકિ. ૩૭:૧૦.