Sapyʼánte ningo ñanekevrantaiterei umi mbaʼe vai jahasáva ha umi situasión ijetuʼúva, ha hasy ñandéve ñaaguanta hag̃ua. Péro umícha jave jajepyʼamongetáramo pe visión ohecha vaʼekuére Ezequiel, upéva ikatu ñanemombarete. ¿Mbaʼérepa? Upe profesíape jahecha kuri Jehová ikatuha omoingove jey umi kanguekuépe jepe. Upéicharõ, haʼe katuete ikatu ñanemombarete ñandepuʼaka hag̃ua umi situasión ijetuʼúvare, haʼetéramo jepe ndaikatumoʼãiva oñesolusiona (elee Salmo 18:29; Filip. 4:13).

Ikatu ñanemanduʼami jey umi mbaʼe heʼi vaʼekuére Moisés heta áño Ezequiel oiko mboyve. Moisés heʼi vaʼekue Jehová orekoha podér péro ndahaʼéi upévante, síno haʼe oipuruseha voi upe podér omombarete hag̃ua ipuévlope. Haʼe oskrivi: “Ñandejára hína pe lugár oñekañyha ymaite guive, ijyva opa ára g̃uarãva ndejoko hína” (Deut. 33:27). Jahekáramo Jehovápe jahasa jave umi mbaʼe ijetuʼúva, ikatu jajerovia haʼe mborayhúpe omoĩtaha ijyva ñandejoko hag̃ua ha ñanepytyvõtaha ñapuʼã jey hag̃ua (Ezeq. 37:10).