Ngezinye iinkhathi, khesizizwe sigandelelwe miraro yokuphila kangangobana sizizwe ngasuthi angekhe sakghona ukuragela phambili. Eenkhathini ezinjalo kungasisiza ukucabanga ngombono kaHezekiyeli wokubuyiselwa kokulotjha okuhlwengileko. Singafunda esiphorofidwenesi ukuthi uZimu unamandla wokwenza amathambo afileko aphile godu, ngokuqinisekileko angasinikela amandla esiwatlhogako ukuqalana nemiraro ngitjho naleyo engangentaba.—Funda iRhubo 18:29; Flp. 4:13.

Sikhunjuzwa nokuthi eminyakeni eminengi ngaphambi kokuthi kuphile uHezekiyeli, umphorofidi uMosi wathi uJehova akanamandla kwaphela kodwana unesifiso sokusebenzisa amandlakhe ngebanga labantu bakhe. UMosi watlola wathi: “Kusukela eenkhathini zakade uZimu bekasiphephelo, imikhonwakhe ekade ikhona ingaphasi kwakho.” (Dut. 33:27) Siyaqiniseka ukuthi nasitjhinga kuZimu ngeenkhathi ezibudisi, uJehova uzosisingatha ngezandla zakhe, ngesineke asiphakamise sijame ngeenyawo zethu godu.—Hez. 37:10.