Usahay bangin nabubug-atan gud kita han mga presyur ngan problema salit nanluluya kita ngan nakukurian pagpadayon. Pero hito nga mga takna, mapaparig-on kita kon pamalandungon naton an klaro nga paghulagway ha bisyon ni Ezekiel mahitungod ha pagpahiuli. Kay ano? Hibabaroan naton nga an Dios nga may gahum pagbuhi ha patay nga mga tul-an sigurado nga makakahatag ha aton han kusog nga aton ginkikinahanglan ha paglampos ha mga problema​—bisan adton para ha mga tawo waray na solusyon.​—Basaha an Salmo 18:29; Fil. 4:13.

Damu ka siglo antes han panahon ni Ezekiel, hi propeta Moises nagsiring nga hi Jehova diri la kay may gahum kondi may hingyap liwat nga gamiton an iya kusog para ha iya katawohan. Hiya nagsurat: “An Dios usa nga arayopan tikang ha kadaan nga mga panahon, an iya waray kataposan nga mga butkon aada ha imo ilarom.” (Deut. 33:27) Oo, makakasiguro kita nga kon dumaop kita ha aton Dios ha panahon han kasakitan, ibubutang ni Jehova ha ilarom naton an iya mahigugmaon nga mga butkon, hinay-hinay kita nga ibabangon, ngan bubuligan nga makatindog utro.​—Ezek. 37:10.