Yaan horaeʼ jeʼel k-uʼuyik jach u pechʼmoʼon le baʼaxoʼob ku yúuchultoʼonoʼ, le oʼolal k-uʼuyik minaʼan k-muukʼ. Teʼ súutukiloʼ maʼalob ka tuukulnakoʼon tiʼ le baʼax tu yilaj Ezequieloʼ, tumen jach jeʼel u yáantkoʼoneʼ. Wa Jéeoba ku páajtal u kaʼa kuxkíintik le baakoʼoboʼ jeʼel xan u páajtal u tsʼáaiktoʼon u muukʼil k-aktáantik jeʼel baʼaxakeʼ, tak le baʼaloʼob jach talam u yilik máakoʼ (xok Salmo 18:29; Fili. 4:13).

Moisés, juntúul máax kuxlaj yaʼab años táanil tiʼ Ezequieleʼ, tu yaʼaleʼ Jéeobaeʼ jeʼel u páajtal u yáantik máakeʼ yéetel jach taak u beetik. Letiʼeʼ tu yaʼalaj: «Desde úuchileʼ Dioseʼ junpʼéel lugar tuʼux jeʼel u páajtal u taʼakikuba máakeʼ, u kʼaboʼob mix bikʼin kun xuʼululoʼobeʼ yaan u yáantkechoʼob» (Deu. 33:27). Wa k-kaxtik u yáantaj Jéeoba teʼ súutukil k-uʼuyik jach u pechʼmoʼon le baʼaxoʼob ku yúuchultoʼonoʼ, letiʼeʼ yaan u yáantkoʼon yéetel yaabilaj. Jéeobaeʼ yaan u tichʼik u kʼab utiaʼal u yáantkoʼon líikʼil tu kaʼatéen (Eze. 37:10).