Әввәлләр нәшрләримиздә јазылырды ки, дөнүк Јерусәлим Христиан дүнјасынын тимсалыдыр. Дүздүр, хәјанәткар Јерусәлимдәки вәзијјәт, о ҹүмләдән бүтпәрәстлик вә позғунлуг Христиан дүнјасында баш верәнләри хатырладыр. Лакин сон илләр, әлиниздәки китаб да дахил олмагла, нәшрләримиздә, Мүгәддәс Китаб әсас вермирсә, пејғәмбәрликләрин изаһына тимсал бахымындан јанашылмыр. Јерусәлимин Христиан дүнјасынын тимсалы олдуғуну исә сөјләмәјә Мүгәддәс Китаб һеч бир әсас вермир.

Нөвбәти мәгамлара нәзәр салаг. Јерусәлим бир заманлар пак ибадәтин мәркәзи иди. Онун сакинләри сонралар Аллаһа аси чыхды. Христиан дүнјасы исә һеч вахт Аллаһа пак шәкилдә ибадәт етмәјиб. Б. е. IV әсриндә әсасы гојуландан Христиан дүнјасы һәмишә јалан тәлимләр тәблиғ едиб.

Һәмчинин бабиллиләр Јерусәлими дармадағын едәндән сонра Јеһова шәһәрә јенә дә лүтф ҝөстәрди вә шәһәр јенидән пак ибадәтин мәркәзи олду. Христиан дүнјасына исә Аллаһ һеч вахт лүтф ҝөстәрмәјиб. О, бөјүк мүсибәтдә мәһв едиләҹәк вә бир даһа дирчәлмәјәҹәк.

Бундан һансы нәтиҹәјә ҝәлирик? Хәјанәткар Јерусәлимин үзәриндә јеринә јетән пејғәмбәрликләри нәзәрдән кечирәндә Христиан дүнјасында ҝөрдүјүмүз бәзи шејләр јадымыза дүшә биләр. Амма Мүгәддәс Китаб Јерусәлимә Христиан дүнјасынын тимсалы кими бахмаға һеч бир әсас вермир.