Najolo, publikasitta mandok Jerusalem na murtad i manggombarhon Gareja manang agama Kristen na so sittong. Mirip do memang pangalaho ni Gareja tu pangalaho ni Jerusalem. Disomba nasida do patung jala diulahon na jahat. Alai piga-piga taon na parpudi on, fokus ni publikasitta termasuk bukku on, dang lao paboahon gambaran manang padanan ni setiap perincian na adong di sada surirang, kecuali molo dipatorang langsung di Bibel. Attong, adong do ayat ni Bibel na mandok molo Jerusalem manggombarhon Gareja? Daong.

Pikkirhon ma on: Najolo Jerusalem i pusat ni ibadat na sittong. Di pudian ni ari murtad ma pendudukna. Alai anggo Gareja, dang hea diulahon ibadat na sittong. Mulai sian na adong Gareja di abad na paopatton, toktong do diajarhon na so sittong.

Asing ni i dung dihancurhon Babel kota Jerusalem, dipadenggan Jahowa do muse kota i. Mulak ma kota i gabe pusat ni ibadat na sittong. Alai anggo Gareja na mangakku Kristen, dang hea lomo roha ni Debata mangida i. Di hasusaan bolon lao dihancurhon ma Gareja, jala dang na lao adong be i saleleng ni lelengna.

Aha ma na boi taboto sian on? Tikki taparsiajari surirang taringot Jerusalem, olo do ra tadok pangalaho ni halak Israel na so setia i paingotton hita tu pangalaho ni Gareja. Nang pe tutu songon i, taingot ma dang adong ayat ni Bibel na mandok molo Jerusalem na murtad i manggombarhon Gareja.