JUKʼAMP YATJJATAÑATAKI RECUADRO 18A
¿Armagedonat kunanaksa Diosajj yatiyawayi?
Jehová Diosajj Armagedón guerranwa jupa conträpki markap conträpki ukanakarojj tukjani, uka toqet parlir walja profecianakaw Biblian utji. Akjjar uñstki uka textonakanjja, uka toqet parlir mä qhawqha profecianakaw qellqata. Uka profecianakajj kunansa niya pachpakïpjje, jaqenakan uka profecianak yatipjjañapatakejj kunanaksa Jehová Diosajj lurawayi ukwa qhanañchi
NAYRA ISRAEL TIEMPONA
EZEQUIEL: ‘“Nayajj taqe qollunakajanwa Gog contrajj mä espada apanëjja”, siw Taqe Kunjjar Munañani Jehová Dios Tatitojja’ (Ezeq. 38:18-23)
JEREMÍAS: ‘[Jehová Dios] pachpaw taqe jaqenakarojj juzgani. Jan wali jaqenakarojj espadamp jiwayatäpjjañapatakiw apjjaruyani’ (Jer. 25:31-33)
DANIEL: ‘Alajjpachankir Diosajj yaqha reino uttʼayarakini [...]. Uka reinow taqe uka reinonakarojj tʼunjani, chhaqtayarakini’ (Dan. 2:44)
NAYRÏR PATAK MARANAKANA
JESÚS: ‘Jachʼa tʼaqesiñ tiempow jutani, aka mundon qalltapat jichhakamajj janipuniw ukham tʼaqesiñajj utjkänti’ (Mat. 24:21, 22)
PABLO: ‘Jesusajj wali chʼaman angelanakapampiw’ ‘Diosar jan uñtʼirinakar castigani’ (2 Tes. 1:6-9)
PEDRO: “Jehová Diosan urupajj mä lunthatar uñtataw jutani [...], oraqesa kunanakatï ukan utjki ukanakasa qhanstayatäniwa” (2 Ped. 3:10)
JUAN: ‘[Jesusan] lakapatjja mä ari jachʼa espadaw mistüna, ukhamat ukampi markanakar atacañataki’ (Apoc. 19:11-18)
JICHHA TIEMPONA
Bibliajj walja arunakar traducitawa, niya taqeninwa mä Bibliajj utjaraki
JEHOVÁ DIOSAN SERVIRINAKAPAJJA...
-
... Bibliat apstʼat walja millón qellqatanakwa jaqenakar churasipki, ukanakajj walja arunakar traducitarakiwa
-
... sapa marajj walja millón horanakwa predicapjje
