KOTAK KETERANGEN 18A
Persinget Jahwe kerna Sada Perang si Mbelin
Melala nubuat Pustaka si isina persinget kerna sada perang si mbelin. Bas perang e, kernepken Jahwe pagi kerina si ngelawan Ia ras si ngelawan umatNa. Enda me piga-piga nubuat kerna si e. Perdiatekenlah kai si seri arah kerina persinget enda. Perdiateken ka maka lalap ipastiken Jahwe gelah kerina kalak dat persinget janah lit kesempatenna nembah Jahwe.
JAMAN ISRAEL
ESEKIEL: “Nina Jahwe Tuhan Si Meganjangna, ‘Kulebuh pagi pedang guna ngelawan [Gog] bas kerina gunungKu.’”—Esek. 38:18-23.
JEREMIA: “[Jahwe] pagi si erban hukumen man kerina manusia. Kalak jahat ibunuh pagi alu pedang.”—Jer. 25:31-33.
DANIEL: “Dibata si erkuasa nandangi surga majekken sada kerajan. . . . Hancurken kerajan e pagi kerina kerajan si deban janah kernepkenna.”—Dan. 2:44.
ABAD SI PERTAMA M
JESUS: “Lit pagi kiniseran si mbelin si lenga pernah terjadi mulai kin doni lit.”—Mat. 24:21, 22.
PAULUS: “Jesus . . . radu ras malekat-malekatna si megegeh . . . mbalas kalak si la nandai Dibata.”—2 Tes. 1:6-9.
PETRUS: “Kerehen wari Jahwe bagi kerehen pinangko, . . . doni ras kerina pendahin manusia si lit i je teridah pagi.”—2 Pet. 3:10.
JOHANES: “Arah babah [Jesus], ndarat pedang si gedang, si ntelap, si pakena guna engkernepken bangsa-bangsa.”—Ket. 19:11-18.
JAMAN SI GUNDARI
Pustaka si Badia eme buku si mbuena iterjemahken ras isebarken
UMAT JAHWE BAS JAMAN SI GUNDARI . . .
-
Mbagiken miliaren bacan si dasarna arah Pustaka bas ratusen bahasa
-
Gunakenna miliaren jam tiap tahun guna erberita
