KAHON SA IMPORMASYON 18A
Si Jehova Nagpasidaan sa Nagsingabot nga Dakong Gubat
Ang Bibliya daghag tagna nga nagpasidaan bahin sa pangataposang gubat diin laglagon ni Jehova ang tanang mobatok niya ug sa iyang katawhan. Niay pipila sa maong mga tagna. Matikdi ang pagkaparehas niini nga mga pasidaan, ug matikdi sab nga giseguro ni Jehova nga ang tanang tawo makabaton sa kahigayonan nga makadungog niini ug molihok.
PANAHON SA KARAANG ISRAEL
EZEQUIEL: “‘Magtawag kog espada batok [kang Gog] sa tanan nakong bukid,’ miingon ang Soberanong Ginoong Jehova.”—Ezeq. 38:18-23.
JEREMIAS: “[Si Jehova] mismo ang maghukom sa tanang tawo. Ug iyang itugyan sa espada ang mga daotan.”—Jer. 25:31-33.
DANIEL: ‘Ang Diyos sa langit magtukod ug gingharian nga magdugmok ug magtapos niining tanang gingharian.’—Dan. 2:44.
UNANG SIGLO C.E.
JESUS: “Aduna unyay dakong kasakitan nga wala pa mahitabo sukad sa sinugdan sa kalibotan.”—Mat. 24:21, 22.
PABLO: ‘Si Jesus uban sa iyang gamhanang mga anghel manimalos kanilang wala makaila sa Diyos.’—2 Tes. 1:6-9.
PEDRO: “Ang adlaw ni Jehova moabot nga samag kawatan, . . . ug ang yuta ug ang mga buhat diha niini madayag.”—2 Ped. 3:10.
JUAN: “Nagagula sa . . . baba [ni Jesus] ang hait ug taas nga espada nga iyang gamiton sa paglaglag sa kanasoran.”—Pin. 19:11-18.
MODERNONG PANAHON
Ang Bibliya ang pinakadaghag hubad ug ang pinakadaghang naapod-apod nga basahon sukad
ANG MGA ALAGAD NI JEHOVA SA MODERNONG PANAHON . . .
-
Nanagtag ug binilyong kopya sa mga literatura sa Bibliya sa ginatos ka pinulongan
-
Naggugol ug ginatos ka milyong oras kada tuig sa pagsangyaw
