APOTIN NUPINPLỌN TỌN 18A
Jehovah Na Avase Gando Awhàn Daho He Ja lọ Go
Biblu bẹ dọdai avase tọn susu hẹn gando awhàn godo tọn de go, ehe gblamẹ Jehovah na gbidi nukundiọsọmẹtọ ewọ po omẹ etọn lẹ po tọn sẹ̀ te. Delẹ to dọdai enẹlẹ mẹ yin sislẹ bọdego. Pọ́n kanṣiṣa he tin to avase enẹlẹ ṣẹnṣẹn bosọ doayi e go dọ Jehovah ko hẹn ẹn diun dọ gbẹtọvi lẹpo tindo dotẹnmẹ nado sè avase lọ lẹ bo yinuwa.
TO AZÁN ISLAELI HOHOWHENU TỌN LẸ GBÈ
EZEKIẸLI: “‘Yẹn na ylọ ohí de sọta [Gọgi] to osó ṣie lẹpo ji,’ wẹ Oklunọ Nupojipetọ Jehovah dọ.” —Ezek. 38:18-23.
JELEMIA: “[Jehovah] lọsu wẹ na dawhẹna gbẹtọvi lẹpo. E nasọ jo mẹylankan lẹ hlan ohí.”—Jel. 25:31-33.
DANIẸLI: “Jiwheyẹwhe olọn tọn na ze ahọluduta de dai he . . . na gídí ahọluduta ehe lẹpo.”—Dan. 2:44.
OWHE KANWEKO TINTAN W.M.
JESU: “Nukunbibia daho de na tin ehe nkọ ma ko jọ pọ́n sọn bẹjẹeji aihọn tọn gbọ́n kakajẹ din.”—Mat. 24:21, 22.
PAULU: “Jesu . . . po angẹli huhlọnnọ etọn lẹ po . . . na hẹn ahọsuyi wá mẹhe ma yọ́n Jiwheyẹwhe . . . lẹ ji.”—2 Tẹs. 1:6-9.
PITA: “Azán Jehovah tọn na wá taidi ajotọ, . . . bọ aigba po azọ́n he tin to e mẹ lẹ po na yin didehia.”—2 Pita 3:10.
JOHANU: “Ohí didá gaa de tọ́n sọn onù [Jesu tọn] mẹ, ehe e na yí do hò akọta lẹ.”—Osọ. 19:11-18.
EGBEZANGBE
Biblu wẹ yin owe he yin lilẹdogbedevomẹ bosọ yin mimá pé hugan owe devo depope
DEVIZỌNWATỌ JEHOVAH TỌN EGBEZANGBE TỌN LẸ . . .
-
Nọ má owe sinai do Biblu ji liva susu to ogbè kanweko susu mẹ
-
Nọ yí gànhiho livi kanweko susu zan to whemẹwhemẹ nado dọyẹwheho
