KAHON 18A
Si Jehova Nagapaandam Parte sa Nagahilapit nga Dakung Inaway
Mabasa sa Biblia ang madamo nga tagna nga nagapaandam parte sa katapusan nga inaway diin papason ni Jehova ang tanan nga nagapamatok sa iya kag sa iya katawhan. Makita diri ang pila ka halimbawa sina nga mga tagna. Talupangda ang pagkaanggid sa sini nga mga paandam, kag talupangda man nga ginasigurado ni Jehova nga ang tanan nga tawo may kahigayunan nga mabatian ini kag makapanghikot.
TION SANG DUMAAN NGA ISRAEL
EZEQUIEL: “‘Sa bug-os ko nga kabukiran magatawag ako sing espada batok kay Gog,’ siling sang Soberanong Ginuong Jehova.”—Ezeq. 38:18-23.
JEREMIAS: “Hukman [ni Jehova] ang tanan nga tawo. Kag itugyan niya sa espada ang mga malaut.” —Jer. 25:31-33.
DANIEL: “Ang Dios sang langit magatukod sing isa ka ginharian. . . . Dugmukon sini kag laglagon ining tanan nga ginharian.”—Dan. 2:44.
UNANG SIGLO C.E.
JESUS: “Sa amo nga tion magaabot ang dakung kapipit-an nga wala pa gid matabo halin sa ginsuguran sang kalibutan.”—Mat. 24:21, 22.
PABLO: ‘Si Jesus kaupod ang iya gamhanan nga mga anghel magatimalos sa mga wala nagakilala sa Dios.’—2 Tes. 1:6-9.
PEDRO: “Ang adlaw ni Jehova magaabot subong sang kawatan, . . . kag ang duta kag ang mga binuhatan nga yara sa sini mabuyagyag.”—2 Ped. 3:10.
JUAN: “Nagagua sa [baba ni Jesus] ang isa ka matalom kag malaba nga espada nga gamiton niya sa paglabo sa mga pungsod.”—Bug. 19:11-18.
MODERNO NGA TION
Ang Biblia amo ang libro nga na-translate sa pinakadamo nga lenguahe kag pinakalapnag nga napanagtag
ANG MGA ALAGAD NI JEHOVA SUBONG . . .
-
Nagapanagtag sang binilyon ka kopya sang mga literatura nga base sa Biblia sa ginatos ka lenguahe
-
Nagahinguyang sing ginatos ka milyon ka oras kada tuig sa pagbantala
