قورشاۋ ا18
ەحوبانىڭ الداعى ۇلى سوعىس جايىنداعى ەسكەرتۋلەرى
ەحوبا ونىڭ وزىنە جانە حالقىنا قارسى شىعاتىنداردىڭ ٴبارىن جويىپ جىبەرەدى. كيەلى كىتاپتا وسى شەشۋشى سوعىس جايىندا ەسكەرتەتىن كوپ پايعامبارلىق جازىلعان. سول پايعامبارلىقتاردىڭ كەيبىرى تومەندە كەلتىرىلگەن. ولاردىڭ قانداي ۇقساس جاقتارى بار ەكەنىن جانە سول ەسكەرتۋلەردى بارلىق ادامدار ەستىپ، سوعان ساي ارەكەت ەتە الۋلارى ٷشىن ەحوبا قانداي قام جاساعانىن بايقاپ كورىڭىز.
ەجەلگى يسرايلدىڭ كەزىندە
ەزەكيەل: «الەمنىڭ ٵمىرشىسى ەحوبا مىنانى ايتادى: — مەن كۇللى تاۋلارىمدا گوگتىڭ باسىنا سەمسەر ۇيىرەمىن» (ەزەك. 38:18—23).
ەرەميا: «ەحوبا... بارلىق ادامدى ٶزى سوتتايدى. زۇلىمداردى سەمسەردىڭ جۇزىمەن قۇرتادى» (ەرم. 25:31—33).
دانيال: «كوكتەگى قۇداي ەشقاشان جويىلمايتىن پاتشالىق ورناتادى. بۇل پاتشالىق... سول پاتشالىقتاردىڭ ٴبارىن قيراتادى» (دان. 2:44).
ب.ز. I عاسىرىندا
يسا: «سول ۋاقىتتا دۇنيە جاراتىلعاننان بەرى وسى ۋاقىتقا دەيىن بولماعان... زور الاپات بولادى» (مات. 24:21، 22).
پاۋىل: «يسا قۇدىرەتتى پەرىشتەلەرىمەن... قۇدايدى بىلمەيتىندەردەن... كەك الادى» (سال. 2-ح. 1:6—9).
پەتىر: «ەحوبانىڭ كۇنى ۇرى ىسپەتتى كەلەدى... جەر مەن ونداعى ىستەر اشكەرە بولادى» (پەت. 2-ح. 3:10).
جوحان: «حالىقتاردى شاۋىپ تاستاۋ ٷشىن [يسانىڭ] اۋزىنان وتكىر ۇزىن سەمسەر شىعىپ تۇردى» (ايان 19:11—18).
ٴبىزدىڭ كەزىمىزدە
كيەلى كىتاپ — ادامزات تاريحىنداعى ەڭ كوپ تىلگە اۋدارىلعان جانە تارالىمى ەڭ كوپ كىتاپ
ەحوبانىڭ بۇگىندەگى قىزمەتشىلەرى...
-
جۇزدەگەن تىلگە اۋدارىلعان كيەلى كىتاپتىڭ ميللياردتاعان داناسىن تاراتادى
-
جىل سايىن ۋاعىز ىسىنە ميللياردتان اسا ساعات جۇمسايدى
